Franciscu Prucopiu dî Cutedda

Dâ Wikipedia, la nciclupidìa lìbbira.

Franciscu Prucòpiu dî Cutèdda canusciutu n Francia comu Le Procope (Palermu o Acitrezza, 9 di frivaru 1651 - Pariggi, 10 di frivaru 1727) fu nu cocu sicilianu, ritinutu lu mminturi dû jilatu.

Procopiu dî Cutedda.

Di la Sicilia a Pariggi[cancia | cancia la surgenti]

La data di nasciuta è canusciuta grazzi a nu cirtificatu di vattìu di lu 10 di frivaru 1651 (lu jornu doppu la sò nasciuta), asciatu nta na crèsia di lu Capu di Palermu. Ntô cirtificatu si pò vìriri lu veru cugnomu ca nun era "Coltelli", ma "Cutò" tipicu cugnomu sicilianu. Àutri funti lu fannu catanisi, ma sunnu assai menu forti di la nasciuta palirmitana. N'ipotisi è videmma ca fussi palirmitanu e ca appoi criscìu a Acitrezza, travagghiannu ntô cummerciu dâ nivi di l'Etna, ca ci fici sprummintari lu jilatu.

Prucòpiu fu jarzuni n Pariggi prima di grapiri lu sò propriu café ntô 1686. Lu café funnatu di Prucopiu è òi lu café cchiù anticu di Pariggi. Lu café addiventa meta di artisti e ntillittuali attraversu l'èbbichi. Tra li friquintatura cci fu Robespierre, Voltaire, Honoré de Balzac, Denis Diderot e Victor Hugo.

Si maritò tri voti n Pariggi. Di la prima mugghieri, maritata ntô 1675 àppi 8 figghi; di la secunna maritata ntô 1696 àppi 4 figghi e ntô 1718 àppi n'àutru figghiu di la terza mugghieri.

Lijami di fora[cancia | cancia la surgenti]