Ferruvìi Càlabbru Lucani
 |
| St'articulu fa parti dâ seria Trasporti e Vìculi |
| Sizzioni Trasporti... |
|
Trasportu di passiggeri
|
| Sizzioni Vìculi... |
|
Menzi di trasportu |
Li Ferruvìi Càlabbru-Lucani, sù na riti di Ferruvìi di muntagna a scartamèntu ridduttu. La sò storia è strittamenti lijàta cchê cunnizzioni ecunòmichi dê pupulazzioni calabbrìsi e lucani. Li chiamaru Ferruvìi di muntagna pròpiu picchì lu tirritòriu attravirsatu è tuttu muntagnusu e speci ntô mmernu li strati di tanti posti sù chini di nivi e mpircurrìbbili ccu l'àutri menzi di cumunicazzioni. P'arrispammiari ntê spisi di custruzzioni 'n passatu lu cuvernu li fìci a scartamentu ridduttu ca pirmetti sulu vilocità vasci; nta tanti zoni l'acchianati sùpiranu lu 60 pi milli e la prisenza di curvi stritti non pirmetti di pigghiari vilocità. Li punti ntê quali li disliveddi jungèvanu ô 100 pi milli, a l'èbbica li fìciru supirari cu la crimagghiera. La custruzzioni di sti ferruvìi vinni fatta dâ Sucità ppi li Strati Firrati dô Miditerraniu.
La prima tratta, Bari-Matira, si rapìu a lu tràfficu ô 9 austu 1915.