Fairy oak
Fairy Oak jè na triluggìa di rumanzi di gènniri fantasticu scritta dà giurnalista e scrittrici Elisabetta Gnone, già canuxuta p’aviri idiatu i fumetti di W.I.T.C.H. A triluggìa jè fatta di tri rumanzi pubblicati di De Agostini:
- Il segreto delle gemelle (2005)
- L'incanto del buio (2006)
- Il potere della luce (2007)
Trama cancia
Accura: d’appressu si rivela tutta o parti di la trama di l'opra.Nnu paisi di Fairy Oak (“Rùvulu Màggicu”) nta la vaddi di Verdepiano campanu nzèmmula e quetamenti umani sinza putiri (“Nun Màggici”) e magari, strij ed èssiri maravigghiusi, spartuti ntra “Màggici dà Luci” e “Màggici du Scuru”. U nomu u paisi s’u pigghia du ranni rùvulu chi sta chiantatu nnu menzu du chianu principali, e jè capaci di cuntari cunti antichi, comu chiddu dà battagghia cù “Tirrìbbili 21” pì spattari a “Luci” e u “Scuru. Ma chiffà? Nàxunu duj èmmuli fìmmini, Vaniglia e Pervinca Periwinkle, una spiccicata a l’àutra, ma cu puteri opposti: Luci e Scuru. Junti e spartuti pì ssempri. Pirzò assaj attacchi du Nimicu sunnu contra i èmmuli, picchì rapprisèntanu iddi duj chiddu contra a cu’ Iddu cummatti di sempri: l’Equilìbbriu, l’antica lianza ntra Luci e Scuru, ca ntà famigghia Periwinkle avìanu statu sempri prisenti, chiossaj di tutti ntra i duj èmmuli. Nun avìa succidutu maj ca duj frati o soru (comu nni sta triluggìa) pigghiàssiru putiri opposti picchì i putiri si pìgghianu di na zia sula o ziu. A storia cuntata dà fatuzza “Sefeliceiosaròdirvelovorrò” (Felì, a fata babysitter di Vaniglia e Pervinca) jè sbriusa e china di venturi.
Pirsunaggi cancia
Accura: d’appressu si rivela tutta o parti di la trama di l'opra.• Vaniglia e Pervinca Periwinkle sunnu i duj èmmuli, ca naxeru una dodici uri prima di l’àutra: a prima jè na magara dà Luci, a sicunna du Scuru. L’aceddu ca si trasforma Vaniglia (o Babù) jè u pittirrussu, chiddu di Pervinca (o Vì) jè l’aceddu dì buriani.
• Flox Pollimon jè l’amica ntamata dì duj èmmuli, magara dù Scuru. L’aceddu so’ jè a lingualonga russa.
• Grisam Burdock jè iddu puru amicu dì èmmuli. Rajs dà “Banna du Capitanu”, addiventa u zitu di Pervinca, puru si prima Vaniglia si nn’avìa nnamuratu. L’aceddu so’ jè l’abbaneddu jancu.
• Shirley Poppy jè l’amica artista di Vaniglia, ca s’a fida assaj a pittari. L’aceddu so’ jè u ziinu. Idda rapprisenta a Putenza Nfinita.
• Lalla Tomelilla (n’origgini Lillà dei Sentieri) jè a cchiuj putenti magara du paisi e jè a zia dì èmmuli. Fu a picciridda dà fata Neve (ca murìu pì ssarvari i picciriddi sua, Dalia e Tomelilla).
• Dalia dei Sentieri, mamà dì èmmuli, soru di Lalla Tomelilla. Na vota era na magara.
• Cicero Periwinkle, patri dì èmmuli, meteoròlogu du paisi.
• Duff Burdock, ziu di Grisam, amicu veru di Cicero e magaru du Scuru. Puru ad iddu, comu a Tomelilla, tutti rispettu ci portanu nnu paisi.
• Vic e Marta Burdock, a iddi appartennu Grisam e a “Putìa di li Ddilicatizzi”.
• Ortensia, zia di Flox e magara du Scuru.
• Pancrazio e Adelaide Pimpernel, u sinnacu du paisi e so’ mugghieri.
• Scarlet Pimpernel, figghia du sinnacu e dixinnenti di Scarlet-Violet Pimpernel (di cuj si pigghiau u nomu), prisintata comu antipàtica e curtigghiara jè na nun-maggica, nuddu dà famigghia Periwinkle a po’ vìdiri.
• Capitan Talbooth: vecchiu capitanu, ursu a prima vista, ma cu nnu cori d’oru. Fu capitanu dà Marina Riali e attruvau u Sicunnu Libbru Anticu a mmari.
• Jim Burium, nu frusteri ca veni di Aberdurville, havi 18 anni e jè nu mmenturi capaci e ammuccia na certa simpatìa pì Vaniglia.
• Acanti Bugle un picciriddu cà “r” moxa, facenti parti dà “Banna du Capitanu”. L’aceddu ca si trasforma jè l’ànatra quattrocchi.
• Sophie Buttercup, picciridda amica dì èmmuli e puru idda facenti parti dà banna.
• Sefeliceiosaròdirvelovorrò (o Felì): a fatuzza babysitter dì èmmuli Periwinkle, pruvinenti du regnu dì Sireni d’Arientu, è idda ca cunta la storia.
• Soffiododicisofficisoffidivento (o Fidiven): a fatuzza babysitter di Flox chi pì mmalasorti ni lassa doppu l’ùrtima battagghia.
• Iomiricorderòditeturicordatidime (o Ditetù), Sentoipollicicheprudono (o Prud), Quattropetaliacuorehoportatoperte (o Etali) e Vegliosulfiorchefiorirà (o Sulfior) sunnu àutri fatuzzi babysitter, cummari di Felì.
• Ombralievedineveviene (o Neve) fu a prima fata babysitter dà storia e annacau Scarlet-Violet Pimpernel e Mentafiorita dei Sentieri, ca funnaru u paisi, e vissi puru cu Lalla Tomelilla e Dalia.
• Scarlet-Violet Pimpernel, Mentafiorita dei Sentieri e Duffus Burdock sunnu i prutagunisti du Primu e du Sicunnu libbru anticu, chi cuntanu la storia du paisi.
Novi cancia
• Si po’ fari vìsita o situ pì vìdiri u paisi di Fairy Oak.
• Si ponnu mannari cartulini virtuali.
• Avissi a nèxiri nu quartu libbru u 25 ottubri 2008
• Fairy Oak = Rùvulu Màggicu
Liami esterni cancia
• [U situ ufficiali di Fairy Oak ]