Etta Scollu
Etta Scollu (o Etta Scollo n talianu) è na cantanti siciliana nta a Catania e havi cchiù o menu 40 anni. Campa ntâ Girmania (a Birlinu).
Biografìa
[cancia | cancia u còdici]Quannu Etta Scollu era nica, fu nfruinzata dâ passioni dû patri (pruvinenti di na famigghia di viddani) pû Jazz, e fu nfruinzata dî mùsichi pruvinenti dû sò crìsciri a cuntattu câ curtura pupulari siciliana.
La nanna sunava lu mannulinu e ntâ sò piccuttanza Etta cantava â ntrasatta chê dui soru (vuci e chitarra) pumiriggi musicali ntô tirrazzu di casa, e li passanti firmàvanu a ascutari.
Nta l'anni ’70 la casa Scollu era tutta mùsica. A dda banna s'aggruppàvanu l'amici, li frati, li ginitura, picciliddi e adurti, facennu di li sirati musicali, passannu pi li Beatles, pi li Rolling Stones, e pi la canzuna naplitana e siciliana. Etta s'appassiunau â chitarra, cu cui scrivìa li sò primi brani e mparava li sicreti dâ canzuna pupulari, attraversu vari ricerchi musicali.
Nta l'anni ’80 idda ncontra novi stili musicali Jazz-Fusion, Funky, Punkrock, ecc. Etta accumenza a fàciri di la mpruvisazzioni vucali.
Lu 26 di marzu di 2007, Eva Scollu s'esibbisci 'n cuncertu pâ prima vota ntâ sò citati, Catania, 'n "Canta Rò" (cu lu suttatìtulu: Rosa, l’ultima cantatrice siciliana).
Lu sò pruggettu è chiddu di trasfiriri nta n'archistrazzioni sinfònica lu munnu sprissivu, di dirivazzione pupulari, di Rosa Balistreri, una dî protagunisti di lu folk revival di l'anni '60 e '70.
Discugrafìa
[cancia | cancia u còdici]- Blu - 1999
- Il bianco del tempo - 2002
- In concerto - 2002
- Casa - 2003
- Canta Rò - 2005). Li canzuni 'n sicilianu: Quantu basilicò, U pumu, L'anatra, Cu ti lu dissi, U cunigghiu, Ntra viddi e vaddi, I pirati a Palermu, Rosa canta e cunta, Lu libbru di li nfami, e Nta la Vicarìa.
- Canta Rò in Trio - 2006). Li canzuni 'n sicilianu: Quantu basilico, L'anatra, Signuruzzu, Cu ti lu dissi, Muccaturi, U cunigghiu, Ntra viddi e vaddi, I pirati a Palermu, Trabia, Oliola, Lu libbru, Nta la vicaria, Lu suli, Rosa canta e cunta, Quannu moru, Liggenna, Canto d'a curuna, Amuri, e Quannu moru.