Esplusioni di lu suttumarinu russu Kursk

Dâ Wikipedia, la nciclupidìa lìbbira.

Nta lu 12 di austu2000, lu suttumarinu russu Kursk affunnau nta lu mari di Barents.
La tiurìa giniralmenti accittata eni ca na peddita di pirossidu d'idrogginu nta a camira di li silura puttai a la ditonazzioni di siei autri tistati di verra duoppu cicca dui minuta. Sta sicunna esplusioni fu simili a 3-7 tunnillati di TNT.

Nunustanti nu tintativu di savvataggiu di parti di squadri britannichi e nuvvigisi, tutti li 118 marinai e ufficiali suupra lu Kursk morsiru.
Na squadra landisi duoppu na puoca di ionna truvau tutti li cadaviri ca fuorru traspurtati nta Russia.

A splosioni[cancia | cancia la surgenti]

Nu stummarinu classi Oscar II ad Omsk simili a lu Kursk

A traggedia accuminzau a matina di lu 12 Agostu, 2000.
Comu parti di n'isercitazzioni navali, lu kursk avia a lanciari dui siluri fasulli a la navi di verra Kirov, e Pietru lu Grandi.
A l'11:28 ora lucali (07:28 UTC), lu perossidu HTP, na forma atamenti cuncintrata di perossidu d'idroggenu utilizzatu comu propillenti pi li silura, cularru attraversi a ruggini di li cuntinitura di li silura.
L'HTP arriaggiu cu lu rami e lu bronzu nta lu tubu nta lu quali lu silura avia ssiri lanciatu, cusannu na riazzioni a catena ca puttai a na splosioni chimica.
Nu ncidenti simili fu a peddita di lu HMS Sidon (P259) nta lu 1955.