Ellenismu

Fu grazzî ê cunquisti di Alissandru Magnu chi la civiltà greca si potti diffùnniri ntê tirritori dû mediu orienti e 'n parti ntî l'Asia cintrali.

Pi Ellenismu si ntenni lu piriudu storicu-culturali chi sinnau la diffusioni dâ cultura greca ntô Mediterraneu, l'Urienti e l'Asia cintrali, funnènnusi chî culturi lucali. La civiltà ellenistica, chi di sòlitu si fa cuminzari cu la morti di Alissandru Magnu ntô 323 a.C. trova pòi na rializzazzioni china ntô pirìudu rumanu.