Dixit
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Dixit è un jocu di carti idiatu di Jean-Louis Roubira, e illustratu di Marie Cardouat, vincituri dû Spiel des Jahres ntô 2010.
Discrizzioni
[cancia | cancia lu còdici]Ô nizziu dû jocu li jucatura arricìvinu 6 carti a testa e li signalini votu dû nùmmiru 1 ô nùmmiru dî jucatura (p’asempiu siddu ci sunnu 4 jucatura arricìvinu li signalini di l'unu ô quattru).
Nta ogni turnu unu dî jucatura ci havi lu rolu dû narraturi, iddu scegghi na carta dâ propia manu e dici a l’àutri na frasi ch’è n rilazzioni câ mmàggini raffigurata. A ddu puntu ogni jucaturi havi a scègghiri na carta ntra li propi ch’è n rilazzioni câ frasi prununzata dû narraturi e la cunzigna cummigghiuta propiu ô narraturi. Lu narraturi ammisca li carti di tutti li jucatura e la propia, appoi li pusizziona scummigghiuti ntô tàvulu.
Tutti li jucatura tranni lu narraturi pusizziònanu na carta signalinu cû nùmmiru currispunnenti â carta ch’iddi crìdinu fu jucata dû narraturi e la scummìgghianu.
A ddu puntu lu narraturi rivela quali è la carta jucata d’iddu e tutti chiddi ca ci nzirtaru arricìvinu 3 punti, macari lu narraturi arricivi tri punti. Lu narraturi havi a accurari ô fattu di prununzari na frasi ch’è ligata â carta scigghiuta ma nun n manera troppu palisa, pirchì sìa ntô casu ca tutti nzèrtanu la sò carta ca ntô casu ca nuddu la nzerta iddu nun arricivi punti mentri l’àutri jucatura arricìvinu dui punti. Noltri ogni jucaturi (tranni lu narraturi) pigghia un puntu p’ogni jucaturi ca nnicau la sò carta.
 fini di na manche tutti li jucatura pìscanu na carta (p’avìrinni sempri n manu 6) e lu rolu dû narraturi passa ô jucaturi a manu manca dû narraturi pricidenti.
Lu jucaturi c’agghica prima a 30 punti vinci la partita.