Discussioni utenti:Eus
Eus: ti dugnu la bona vinuta ntâ Wikipedia Siciliana! Sugnu Giusi, una di l'amministratura. Vitti lu tò cuntribbutu (Newcastle); speru ca cuntinui a scriviri artìculi pâ Wikipedia pirchì chiddu ca scrivisti è bonu assai. Ti cunsigghiu di dari na taliata ô Cumpenniu Stìlisticu pi vidiri li normi ca usamu pi scriviri cu un sicilianu standard. Salutamu ! --Giusi 00:52, 1 Dicèmmiru 2005 (UTC)
Grazii Giusi, taliai 'a paggina chi mi dicisti, vogghiu jutari si pozzu, cchiú assai pozzu scriviri supra 'Ngriterra, vivu ccá. Nun sacciu comu niziari nu articulu mei pero?
Ni sintemu.
- Ciau. Nu salutu di parti mìa. Cumprimenti pi l'articuli chi scrivi. Cuntinua accussì! Salutamu. Peppi
«hablo también castellano»[cancia la surgenti]
Eus, sugnu arreri Giusi. Vitti ca scrivisti nta to pàggina ca parri puru lu spagnolu; però nun vitti lu template rilativu ntâ turri di Babbeli. S'iddu avisti prubblemi cu stu template, dimmillu. Vitti puru, cchiù supra, ca scrivisti ca nun sai comu fari pi scrìviri artìculi, però vidu ca nni stai scrivennu na pocu. Comu dissi Peppi, cuntinua accussì ca sunnu di bona qualitati! Salutamu. --Giusi 17:12, 2 Dicèmmiru 2005 (UTC)
Hola![cancia la surgenti]
Ciau Eus. Pi quantu riguarda lu template spagnolu pâ turri di Babbeli, po' èssiri ca tu vulisti mèttiri chiddu es-2 ("nivel medio") o, addirittura, chiddu es (lingua matri). Sunnu l'ùnici dui ca avemu ancora a mèttiri. Pi quantu riguarda lu sicilianu scrittu, è viritati: semu cchiù abbituati a parràrilu chi a scrivìrilu; accussì ni succedi - specî li primi voti - ca nni cunfunnemu 'n tanticchia quannu nni mittemu a scrìviri. Però avìssimu a lèggiri chiossai li testi siciliani clàssici (ca ci sunnu! Ci nn'è assai!), accussì vidìssimu ca lu sicilianu standard esisti, sippuru lu sicilianu nun è arricanusciutu di nuddu statu. Staju parrannu di ddu sicilianu cultu ca scriveru autura comu Ninu Martoglio, Giuvanni Meli, Mìnicu Tempio e tanti àutri. E gghiè propiu stu sicilianu ca circamu di usari ntâ Wikipedia, cu quacchi variazzioni duvuta a li nurmali canciamenti ca abbennu nta na lingua cû passari dû tempu, comu, pi asempiu, l'accittazzioni di l'usu di li pripusizzioni articulati: "di lu" = "dû", eccètira. Comunqui, mancu chissu nni lu mmintammu nuàutri: già s'accuminciàvanu a usari ntâ pruduzzioni littiraria di l'ùrtimi tempi. Ti cunfessu na cosa: ju sugnu di Palermu e siddu avissi a scrìviri accussì comu parru quannu usu lu palirmitanu, scrivissi assai diffirenti di comu scrivu! A mia puru mi custau nu sforzu scrìviri 'n sicilianu standard, suprattuttu nnê primi tempi; menu mali chi appi la furtuna di aviri liggiutu assai autura clàssici e, accussì, lu sforzu nicissariu fu cchiù nicu. Però sugnu cuntenta assai: sulu accussì putemu dari dignitati a la nostra lingua, sulu si scrivemu nta dda forma àuta, littiraria. Salutamu! Hasta la próxima! --Giusi 00:37, 4 Dicèmmiru 2005 (UTC)
Welcome![cancia la surgenti]
A belated welcome! A native speaker of english, italian and sicilian - we definitely need you to come on board - I hope to see more of you and support everything that Peppi and Giusi have said to you to date. Let me know which level of Spanish you are looking for and I'll try and fix it up - are you also after anglo-saxona and scots? Cuntinua comu cci stai facennu, fallu spissu e accussì scrìviri pi sicilianu addiventa n'abbitùtini. Cchiù ca la scrivemu, cchiù ca si cci ritrova la sò dignitati. Salutamu. --
ρ¡ρρµ δ→θ∑ - (waarom? jus'b'coz!) 10:28, 4 Dicèmmiru 2005 (UTC)
Europacanal?[cancia la surgenti]
Ciau. Pruvai a circari lu EuropaCanal, ma nun lu truvai. Pòi curreggiri l'articulu e mettiri puru lu liami dû situ ? Salutamu. --Peppi 11:52, 5 Au 2008 (UTC)