Discussioni utenti:Daniele~scnwiki

Dâ Wikipedia, la nciclupidìa lìbbira.
Jump to navigation Jump to search
Venniridìa
24
Maiu
Pi fauri, cliccati ccà pi lassarimi nu missaggiu novu.
Please click here to leave a new message.


Naru[cancia la surgenti]

Ciau Daniele - cumprimenti pû tò artìculu Naru. Salutamu! ρ¡ρρµ δ→θ∑ - (waarom? jus'b'coz!) 00:32, 5 May 2006 (UTC)

Grazi Pippu, è un veru piaciri putiri contribuiri a stu progettu nna nostra stupenda lingua, continuammu a ghiri avanti.

Bonvinutu[cancia la surgenti]

  • Daniele, ti dugnu puru iu lu bonvinutu nta la wikipedia siciliana. Vitti chiddu ca scrivisti e sugnu sicura ca tu po' èssiri un puntu di forza di sta wikipedia. Bonu travagghiu! --Giusi 02:06, 6 May 2006 (UTC)

Grazi puru a tia Giusi, sugnu cuntentu ca piensi chissu di mia!

    • Ciau Daniele. Bomminutu a tia. Già haiu liggiutu quarchi artìculu tò e ju macari penzu ca ci poi aiutari assai stu pruggettu. Cuntìnua d'accussì pi fauri. Salutamu! Turiddu miii...

Cullicamenti[cancia la surgenti]

Ciau Daniele, grazzî pû tò missaggiu, hai raciuni avemu a fari nu cullicamentu versu la Wikipedia Piemuntisa. Ju nun pozzu accèdiri ô menù (dâ pàggina principali) situatu a manu manca, pirchì nun sugnu ju a occupàrimi di chistu, ma haiu agghiunciutu lu cullicamentu dâ Wikipedia Piemuntisa ntâ parti "Pruggettu Wikifratillanza" a-llatu dî cullicamenti versu li Wikipedìi 'n Corsu, Friulanu, Latinu, Lummardu, Maltisi, Napulitanu, Sardu e Vènitu. Siddu tu nni canusci àutri Wikipedìi scurdati di nuàutri, assignàlacci a Pippineddu pi fauri. Salutamu! Turiddu miii...

Dritti d'auturi[cancia la surgenti]

Ciau Danieli, grazzî p'aviri assignalatu sta mmàggini cummigghiuta dî copyrights di l'auturi. Haiu scancillatu la mmàggini, accussì nun c'è cchiù nuddu prubbrema. Ma comu lu dicisti tu, ô cchiù prestu hai a mìntiri n'àutra fotu (o stemma) dû paisi, grazzî. Salutamu. Turiddu miii...

    • Scusami Danieli, ora haiu scancillatu la fotu dû vecchiu domu narisi ch'era ntâ pàggina principali, ma tu nun ti scurdari d'attruvari n'àutra fotu di Naru pi "rinchiazzari" la fotu c'ammanca... pirchì c'è nu pirtuseddu laidu ntâ pàggina principali. Grazzî. Salutamu! Turiddu miii...


Fotu dâ Chiazza Garibbaldi[cancia la surgenti]

Grazzî pâ fotu nova. E' bedda sta fotu d'èbbica, e hai raciuni, è antica quinni nun ci avìssiru a èssiri cchiù dritti d'auturi. La misi nnâ pàggina principali (ma c'è un spazziu biancu 'n tunnu â mmàggini e nun 'u sacciu livari. Speru ca Pippu (o Peppi, o Giusi, o Cidricu, ecc.) lu leva. Salutamu. Turiddu miii...

Catigurìi[cancia la surgenti]

Daniele, quannu scrivi n'artìculu, siddu lu vo' catigurizzari nta na catigurìa esistenti, ci hai a mèttiri sutta, ntra parèntisi quatri: Category:xyz unni xyz è lu nomu di la catigurìa. Salutamu! --Giusi 01:58, 12 May 2006 (UTC)

Ambiguità[cancia la surgenti]

Ciau Danieli. Grazzî a tia p'avìrimi assignalatu l'ambiguità ntâ pàggina Lista di li divinitati grechi. N'àutru cullabburaturi dâ Wikipedìa siciliana già hà canciatu chidda di valenza. Sì, siddu nni vidi àutri mi li poi assignalari, o macari poi nfurmari a Pippu, Giusi, Peppi, Cidricu, Vicè, ecc. Salutamu! Turiddu

Lingua siciliana e pòpulu sicilianu[cancia la surgenti]

Ciau Daniele,

Haiu asciatu na pàggina scritta 'n sicilianu:

http://www.laltrasicilia.org/modules.php?name=News&file=article&sid=663

Salutamu! Turiddu

Ricanuscimentu di la lingua siciliana[cancia la surgenti]

Ciau Danieli, sta sira haiu arricivutu l'ùrtima newsletter di lu partitu pulìticu sicilianu "L'Altra Sicilia", e sta newsletter è veru ntirissanti pirchì pruponi di fàciri arricanùsciri lu sicilianu comu na lingua ufficiali dâ Sicilia (nta nu bilinguismu sicilianu-talianu ufficiali). Stu partitu voli ntrodùciri lu Sicilianu e àutri "materi" di civilitati siciliana (storia, littiratura, tiatru, ecc.) ntê scoli di l'ìsula. Stu partitu voli li ducumenti pùbbrici 'n sicilianu, li nzegni 'n sicilianu, li nnicazzioni stratali 'n sicilianu, e voli macari la criazzioni di na radiu-tv autenticamenti siciliana.

Pi sapìrinni cchiossai poi lèggiri l'artìculu ccà:

Laltrasicilia.org: Pruggettu linguìsticu di L'Altra Sicilia: pi lu bilinguismu ufficiali 'n Sicilia


Viva la Sicilia!

Salutamu! --Sarvaturi 20:17, 4 Dicèmmiru 2006 (UTC)

Elizzioni[cancia la surgenti]

Ciau Daniele. Ti nformu ca ci sunnu elezzioni 'n cursu (pi nu novu amministraturi e pi nu novu bureaucrat). Tu sî nvitatu a vutari. Salutamu! --Sarvaturi 13:03, 11 Marzu 2007 (UTC)

Bona turnata[cancia la surgenti]

Ciau Daniele, sugnu cuntentu di vidiri ca hai turnatu cu nuiatri. Salutamu! --Sarvaturi 20:42, 8 utt 2007 (UTC)

Si Sarvatù, ogni tantu quannu haiu tiempu mi miettu a scriviri quarchi articulu.

Nu Forum n sicilianu supra IRC[cancia la surgenti]

Ciau Daniele, ti scrivu pi nfurmari a tìa ca comu p'ogni pruggettu wikipedia ora asisti nu forum lestu nostru supra IRC. Attuarmenti ci semu ju, Santu e Carmelu e spiramu ca sta cumunitati di wikipidiani siculòfuni va a fàrisi cchiù granni cu lu passari di lu tempu. Ovviamenti puru li nun-wikipidiani ponnu vèniri a discùrriri cu nuiàutri. Siddu voi sapiri cchiù nfurmazzioni supra sta maravigghia poi liggìriti l'ammasciati nostri ntô Cìrculu. Salutamu. --Sarvaturi 19:48, 22 jin 2008 (UTC)

Furesta[cancia la surgenti]

Ciau Daniele, grazzi p'aviri assignaliatu lu prubbrema. Ora tuttu è sistimatu bonu. Ti salutu. --Sarvaturi 17:31, 14 Friv 2008 (UTC)

Travagghiu ricenti[cancia la surgenti]

Ciau Daniele - vidu ca stai facennu nu travagghiu 'ranni a stu mumentu - ti siddiassi siddu ju fici quarchi canciata nica pi riflèttiri li nostri normi accittati dâ nostra wikipedia? (a nnicchia ccà e ddà) ti va beni? 'N ogni casu - cuntinua cû tò travagghiu chi sta jennu bonu bonu! πιππίνυ δ - (zoccu stai dicennu?!) 01:43, 5 giu 2008 (UTC)

Ciau Daniele - nun prioccupàriti c'accuminciamu tutti quanti propiu d'accussì - sti canciati fini ti vennu currennu currenu. Nzumma, prifiremu ca cuntinui a scrìviri vuci novi. Salutamu! πιππίνυ δ - (zoccu stai dicennu?!) 22:06, 5 giu 2008 (UTC)
Hai raciuni pi quantu riguarda lu nomu «Chiaramunti» - la facemu na pàggina d'ambiguitati - Chiaramunti (casata) va beni pi l'àutru nomu? πιππίνυ δ - (zoccu stai dicennu?!) 23:21, 5 giu 2008 (UTC)

Giugnettu[cancia la surgenti]

Daniele - li noma dî misi rapprisèntanu nu beddu asempiu dâ nostra difficurtati scrìviri na nciclupidìa pi sicilianu. Forsi comu sai, s'attròvanu nu munzeddu di noma diversi, ma la quistioni di giugnettu/lugliu era la cchiù disfìcili. Comu poi mmagginari, pi certi cosi, comu li noma dî misi, è impurtanti ritèniri li formi custanti, armenu a nu certu liveddu. Tanti di sti quistioni ni dicidemmu ô principiu dû pruggettu, e cci nn'èramu 5 o 6 chi ficeru li voti. Mi ricordu ca Peppi, chi veni puru iddu di toi parti, nun piacìu assai la forma «giugnettu», pâ raciuni stissa, ca nun si sintìa cchiui. Pi l'àutra manu, certamenti si vidi sta forma «giugnettu» ntâ littiratura di cinquant'anni fa, e certamenti è la forma littiraria di sèculi, chi ni fici pinzari ca forsi «lugliu» si tratta di na forma taliana assai ricenti (ma nun u sacciu pi sicuru).

Ma sai, tanti di sti tipi di quistioni si nni spùntanu ogni tantu, e si ni firmàssimu a scrìviri ogni vota ca una pirsuna nun si n'accurdava - avìssimu pututu criari sta nciclupidìa chi si nn'ha vulutu nu granni mpegnu? Sai ca la wikipedia sarda è cchiù vecchia dâ nostra ma nn'havi sulu 500 o 600 vuci. Picchì? Pû fattu ca iddi s'hannu sciarratu ntra iddi stissi cuntinuamenti pi quattru anni! Ti pozzu diri ca cci sunnu certi cosi ca ju accittai sulu picchì la majuranza dicidìu di fari na certa cosa, qual'era era, nun mporta cchiui - picchì la cosa cchiù mpurtanti è lu scrìviri, accittamu li dicisioni e jemu avanti, e nuddu ni pò dìrinni ca nun stamu scrivennu nta nu sicilianu ricanuscìbbili (e nuiàtri avemu lu vantaggiu c'avemu cugghiutu tutti li megghiu rifirimenti chi s'attròvanu dâ lingu scritta, o chî libbra nostri o di l'internet). Nzumma, cci arristamu cu «giugnettu» - puru ju nun l'haiu mai ntisu - ma mi piaci sta palora cu tutt'u mè cori! È na bedda palora siciliana e è nu sìmmulu dû nostru pruggettu cullabburativu.

Mi scusi pû scùrriri!

Naru - forsi hai raciuni - cci dugnu n'ucchiata.

La data - forsi è megghiu addumannari Melu, picchì nun sugnu assai pràtticu dâ ticnoluggìa (passatu nu certu puntu). Ma poi cupiari zoccu voi dâ mè pàggina (ma no li mei fotu!). πιππίνυ δ - (zoccu stai dicennu?!) 05:56, 6 giu 2008 (UTC)

Articulu da simana[cancia la surgenti]

Hai raciuni - cci dugnu n'ucchiata - salutamu! πιππίνυ δ - (zoccu stai dicennu?!) 05:56, 6 giu 2008 (UTC)

Il tuo nome utente sarà cambiato[cancia la surgenti]

09:07, 20 mar 2015 (CET)

Rinominato[cancia la surgenti]

12:41, 19 apr 2015 (CEST)