Discussioni:Storia dâ Sicilia

Sta storia dâ Sicilia s'havìa a fari. Grazzî a Pippu di na para di misi nta wikipedia ngrisi c'è na spacchiusa storia dâ sicilia, e ntâ paggina di discussioi si dici chi appoi li vari èbbichi avissinu a fari articuli nnipinnenti. Ntâ nostra wikipedia avèvumu l'articuli nnipinnenti pi ogni èbbica ma nun c'era ancora na storia dâ sicilia unica. St'articulu lu fici ncucciannu l'articuli chi esìstunu dî vari èbbichi. Quarcunu putissi stòrciri lu nasu pi sta manera di fari. L'idea è ca l'articulu storia dâ sicilia resta com'è, mentri l'articuli di l'autri èbbichi si sviluppunu pi fari articuli cchiù cumpreti. Agghicannu accussì a tri gradi di storia dâ Sicilia:

1. ntô primu chi si trova nta difinizzioni di Sicilia, la storia dâ Sicilia è liquidata nta na vintina di lìnî.
2. ntô secunnu, la storia dâ Sicilia è n'articulu cumpretu.
3. lu terzu liveddu offri articuli di apprufunniemntu comu Sicilia (èbbica àrabba), o Sicilia (èbbica rumana), articuli chi ntê msi chi vènunu si ponnu sviluppari ancora megghiu.

Salutamu User:Gmelfi --Gmelfi 16:43, 29 Sittèmmiru 2006 (UTC)

Peppi, sugnu cumpletamenti daccordu. Salutamu! --Giusi 23:00, 29 Sittèmmiru 2006 (UTC)

Sì, d'accordu - chissu rapprisenta lu megghiu mudellu. Facisti bonu sistimàrilu d'accussì. Salutamu! πίππύ δ'Ω∑ - (waarom? jus'b'coz!) 23:38, 29 Sittèmmiru 2006 (UTC)

Allura, signìfica livari li liami ntâ vuci Sicilia chi punta ê vuci dû terzu liveddu? Ju già cci misi lu liami chi punta a sta vuci. πίππύ δ'Ω∑ - (waarom? jus'b'coz!) 23:43, 29 Sittèmmiru 2006 (UTC)

Sì, propria accussì. Mi l'avìa scurdatu. Ci livai li liami dû terzu liveddu. Grazzî pi mi l'aviri signalatu. Salutamu. Peppi. --Gmelfi 08:25, 1 Uttùviru 2006 (UTC)

Citazzioni

La citazzioni di Marx e Engels e' assai ntirissanti e merita cirtamenti di essiri tinuta nti quarchi banna. Sugnu pero' perplessu di la lassari accussì, pirchì occupa tuttu lu primu schermu, ammucciannu gran parti di l'essinziali dâ vuci, e la fotu. Mi pari, la paggina pi comu s'apprisenta, cu nu testu nicu, griggiu e senza fotu, nun duna voggnia di leggiri la vuci e forsi mancu tutta la citazzioni sana sana.

Iu pruponu di accurzari la citazzioni, e di mettiri la citazzioni cumpleta, sutta forma di paragrafu, sutta la vuci Karl Marx e/o Friedrich Engels. Chi ni diciti (supratuttu Santu!) ? --Peppi 14:48, 14 Maiu 2009 (CEST)

• Zoccu tu fai, è pi mia cosa fatta bona! --Santu (msg) 19:15, 14 Maiu 2009 (CEST)

Grazzi dâ fiducia. Comu ti pari accussi ? --Peppi 16:58, 18 Maiu 2009 (CEST)