Discussioni:Sicilianu

Dâ Wikipedia, la nciclupidìa lìbbira.
Jump to navigation Jump to search

scusati, ma... cu u rissi ca in Sicilianu si dici "lu"? iu sugnu ri Palermu e haiu sempri sintutu "u". u sacciu ca in alcuni parti ra Sicilia alcuni ricinu "lu" come articulu determinativu, ma si qualcunu dicissi: "in Sicilianu l'articulu determinativu maschili è 'lu'", iu ci ricissi che unnè veru e c'è puru "u" e forsi "u" è cchiu usatu ri "lu". Scusatimi si u me Sicilianu unnè "perfettu" in basi a chiddu chi dicino li studiosi ru Sicilianu, ma u fattu è che i dialetti canciano ogni 10 km e ognuno usa u suo!

un ti ricu chi sbaji, anzi, tu ai raggiuni, ma u veni di lu ... (e poi iu ricu beru anzi chi veru, su "dialetti d'u dialettu"). Kairine (msg) 18:47, 16 Maiu 2011 (CEST)
Caru fratuzzu sicilianu, lu sicilianu ca nuatri parramu è chiddu "parratu", nti la lingua littiraria siciliana hà statu sempri addupiratu "lu". Chi cosa dici siddu na parrata è lingua o dialettu? Lu dici la tradizzioni scritta, na parrata ca nun hà statu scrivuta si dici "dialettu", na parrata ca hà statu scrivuta di migghiara d'anni comu lu sicilianu si dici "lingua", purtroppu 'n Sicilia chistu nuddu lu sapi picchì a la scola nun ni veni anzignatu, picchì di lu àutu ni fannu capiri ca la sula lingua 'n Italia è lu "tuscanu". Nuatri ccà nti la Wikipedia scrivemu sicunnu la Lingua Siciliana di li granni pueti e littirati di la nostra storia, è veru ca di paisi a paisi cci sunnu diffirenzi funètichi, ma è macari veru ca la lingua scritta di lu 1100 a oggi s'hà mantinutu sempri la stissa (tranni ppi chiddi ca vonnu scrìviri propriu in dialettu di lu sò paisi e no nti la lingua siciliana). Ti cunzigghiu di apprufunniri la canuscenza di li granni pueti siciliani comu Antoniu Vinizzianu, Giuvanni Meli e Duminicu Tempiu, iddi scrivìanu lu sicilianu littirariu, ovveru la lingua. Ppi chissu nuatri di la Wikipedia ca parramu di lu sicilianu comu "lingua" scrivemu l'artìculi "lu" e "la" e no " 'u" e " 'a", picchì jiamu appressu a la nostra granni storia littiraria. Nu caru salutu! --Anakletos (msg) 01:13, 18 Maiu 2011 (CEST)