Discussioni:Regnu di Trinacria
- Quarchirunu sapi siddu avìssimu a scrìviri «Regnu dî Dui Sicilii» o «Regnu dî Dui Sicili» o «Regnu dî Dui Sicilî»? Ju nun haiu mai vistu stu tìtulu scrittu pi sicilianu. πίππύ δ'Ω∑ - (waarom? jus'b'coz!) 02:34, 10 Giugnettu 2007 (UTC)
- Ciau Pippu
Si dici "la fa-mì-gghia" e si dici "li fa-mì-gghi".
Allura mi pari ca "la Si-cì-lia" addiventa "li Si-cì-li".
Ma ci sunnu canzuni siciliani nta li quali prunùnzanu "Si-cì-li-a" allura si putissi scrìviri puru " Si-cì-li-i" (ma sulu nta stu casu).
La palora " Sicìlî " mi pari sbagghiata, pirchì l'accentu cirunflessu è usatu scurrettamenti (sulu una littra s'hà livatu quinni mi pari megghiu nun usàrilu, e dunca ju scrivissi simpricimenti "Sicili")..
Salutamu!
--Sarvaturi 07:40, 10 Giugnettu 2007 (UTC)
Scrittu doppu:
Nun sugnu un linguista ma mi pari ca:
Quannu na sìllabba finali si leva, si scrivi accussì:
- sòu -> sò / so'
- tòu -> tò / to'
- mèu -> mè / me'
- chiùi (latinu: "plus/plui") -> chiù / chiu'
- hàvi -> hà / ha'
- pòti -> pò / po'
- vòli -> vò / vo'
- dùi -> dù / du'
- vùi -> vù / vu'
- èni, èsti -> è / e'
- fàci -> fà / fa'
- sàpi -> sà / sa'
- sùnnu -> sù / su'
- sùsu -> sù / su'
- giùsu, jùsu -> giù, jù / giu', ju'
- mi vogghiu maritari -> mi vogghiu marità / mi vogghiu marita'
- abbaciùrru -> abbaciù / abbaciu'
- Vicènzu -> Vicè / Vice'
Nota: Pi l'accentu gravi, lu talianu, lu spagnolu (p'asempiu: mundiá/mundial, pá/para, ecc.), lu sicilianu e lu napulitanu funziònanu propiu accuddì.
Ma quannu dui o cchiù littri si lèvanu dintra di na palora o di na sprissioni, mi pari ca si scrivi:
- avèmu -> âmu
- avìti -> âti
- augùriu -> âùriu
- di lu -> dû/dô
- pi lu -> pû/pô
- nta lu -> ntû/ntô
Nota: Pi l'accentu circunflessu, lu francisi (p'arcuni casi) e lu sicilianu funziònanu accussì.
E ovviamenti pi li palori sìmprici comu: "famigghia", "pruverbiu", ecc.:
- fì-gghia -> figghi
- pru-vèr-biu -> pruverbi
- grà-zzia -> grazzi
Nota: Si scrivi senza l'accentu circunflessu.
E pi li palori comu: ambìguu, ecc.:
- cun-tì-nu-u -> cuntìnuu
Nota: Si scrivi senza l'accentu circunflessu.
Ma haiu quarchi dubbiu:
-> pi "si/sî/sì/si':
- sì (zoè yes) -> sì (ju usu "sì")
- siddu / suddu -> si? / sì? / su? / sù? (ju usu "si" e "su")
- tu sei -> tu si? / tu sì? / tu sî? (ju usu "tu sî" e "tu si")
- iddu si li mancia -> iddu sî mancia? / iddu s'i mancia? (ju usassi "sî" nta stu casu)
-> pi hà/hâ:
- s'havi a fari -> s' hâ fari? / s' hà fari? (ju usassi "s' hâ fari" nta stu casu)
- s'havi fari -> s'hà fari?
Chi nni penzi?
Salutamu!
--Sarvaturi 08:26, 10 Giugnettu 2007 (UTC)
- Ciau Turiddu - bon travagghiu - scrivisti n'argumentu abbastanza pricisu e cumpretu. M'attrovu d'accordu. Salutamu! πίππύ δ'Ω∑ - (waarom? jus'b'coz!) 12:33, 11 Giugnettu 2007 (UTC)
- ;-) Salutamu! --Sarvaturi 14:05, 11 Giugnettu 2007 (UTC)
Accumenza na discussioni supra Regnu di Trinacria
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Regnu di Trinacria.
