Discussioni:Passiata (traggittu)

Dâ Wikipedia, la nciclupidìa lìbbira.
Jump to navigation Jump to search

i o ì[cancia la surgenti]

Visti che "passiata" è scrittu "passiata". Ma nun sarebbe cciù giustu "passìata"? Nun sacciu se n'havi na rigola pì chistu.

  • Ciau Sergix, di fattu, fussi megghiu scrìviri "passïata" o "passïàta" comu fannu arcuni scrittura siciliani, ma nuàutri nun usamu sta "règula" di la "ï" spiciali (pi lu dittongu farsu) ntâ wikipedìa siciliana. 'N sicilianu, ci sunnu macari àutri palori c'hannu stu prubbrema comu: "cuntìnua" ca fussi megghiu scrìviri accussì "cuntìnüa" (cu la "ü" spiciali), "talri" ca fussi megghiu scrìviri accussì "talïàri", ecc. Ma prifiremu scrìviri 'n modu sìmprici allura sulu usamu "cuntìnua" e "taliari" (c'addiventa "talìu" â prima pirsuna dû nnicativu prisenti). Salutamu! --Sarvaturi 13:06, 22 Marzu 2007 (UTC)
    • Vabbene, puru a mia nun piaci l'usu di "umlaut" (ü ö ä ï). staju imparandu u tidiscu (svizziru-tedescu puru) e la pronuncia nun è uguali. Ma credu cumunque che l'accentu tonicu è mpurtanti pè molte paluri. O almenu un usu cchiù lugicu. Esempiu appicchè "pàggina" e nun "paggina"? L'accentu veni lugicamenti sulla "a" però in "passiata" senza accentu, jo leggu "pàssiata" e la pronuncia me veni falsa. C'è quaccusa scrittu per spiegari chistu? Sergix 22.03.07
  • Ciau Sergix. Hai raggiuni, 'n sicilianu l'accentu tònicu è mpurtanti pi tanti palori. P'usari l'accentu 'n modu cchiù lòggicu ("almenu un usu cchiù lugicu" comu dicisti tu), ci vulissi canùsciri bonu bonu lu lèssicu di la lingua siciliana pi sapiri quann'è lòggicu scrivillu, ma nuddu canusci pirfettamenti la lingua siciliana, allura nta sta wikipedìa usamu sistimaticamenti l'accentu scrittu supra l'antipenùrtima sìllabba (comu nta "artìculu", "pàggina", "grammàtica", "lìbbiru", ecc.) comu ntô spagnolu e chistu aiuta assai a li littura ca lègginu sta ncilopedìa. Ju nun sacciu pirchì 'n "passiata" senza accentu, tu leggi "pàssiata". Chi voli diri la palora "pàssiata"? Chista nun la canusciu. Ju quannu viju la palora "passiata", sacciu ca si prununza comu tutti li participi passati (zoè supra la penùrtima sìllabba): adduràta, allargàta, amàta, annunziàta, aranciàta, ecc. dunca loggicamenti "passiata" si leggi "passiàta" comu ntê palori francisi "promenàde", "balàde", "orangeàde", ecc. Salutamu! --Sarvaturi 17:04, 22 Marzu 2007 (UTC)
    • Hai raggiuni nun sacciu picchè propria chista palura mi turba chiossai dell' autri... Grazzì da spigazziuni. Salutamu! Sergix 23.03.07
      • Nun ti proccupari, tutti cunfunnemu palori a li voti. ;-) Salutamu! --Sarvaturi 10:58, 23 Marzu 2007 (UTC)