Discussioni:Pablu Picassu

Dâ Wikipedia, la nciclupidìa lìbbira.
Jump to navigation Jump to search

Ma vi parixi justu canciari lu so nomu ntra sicilianu? Talijai la pajina ntra l'avutri lingui e visti ca lu lassaru com'era. Mi parixi megghiu d'accuddri.

Poi, stu missaju scrittu cca susu cunteni troppu sgarri:

Accura: nun sî n'utenti riggistratu, oppuru nun hai esiquitu lu login. Ogni cuntrubbutu, macari di utenti nun riggistrati, è lu bemminutu ma arcuni funzioni e arcuni sirvizza sunnu risirvati a li utenti rigistrati. Teni comu è gghiè cuntu ca lu tò ndirizzu IP (visìbbili ccà) veni riggistratu ntâ cronoluggìa di sta pàggina

Criu megghiu:

Accura: nun sì riggistratu, oppuru mancu esiquisti la trasuta. Ogni cuntribbutu, macari di utenti nun riggistrati, è lu bomminutu ma certi funzioni e certi sirvizza sunnu risirvati a l'utenti riggistrati. Teni comegghiè cuntu ca lu tò nnirizzu IP (ccà vistu) veni riggistratu ntrâ crunuluggìa di sta pàggina

A locu di "sî n'utenti riggistratu" parixi abbastanti "sì riggistratu".

A locu di "hai esiquitu", ca megghiu fussi "hai esiquiutu", cci misi "esiquisti" assicunnu l'usu sicilianu.

A locu di na palora ingrisi, hamu a usari chiddra siciliana "trasuta".

Ntra lu sicilianu "bomminutu" mi parixi chiossai autenticu, ca "beni" picca picca veni usatu.

Poi misi "certi" a locu di "arcuni", ca putissi scriviri midè "ancuni".

Poi nu sgarru di urtugrafìa, havâ èssiri "riggistrati" cu dui 'g'.

La frasi "comu è gghiè" mancu mi parixi justu. La palora "è" nun s'avissi a stramutari accussì. Eu lu scrivissi: "com'esti esti" pi scanzari "è è", l'ùrtima c'arrixedi na cunzunanti a menzu.

Poi "vistu" a locu di "visìbbili", parixi chiui sicilianu e nun sacciu propriu picchì.

L'urtimi, "ntra" a locu di lu chiui mudernu "nta" o "nna" e "crunuluggìa" a locu di "cronoluggìa". Abbasta lèjiri quarchi pàjina incapu li vucali siciliani a sapiri ca "cronoluggìa" mai putissi esìstiri. Capaci, cu difficurtati, "cronuluggìa" ca "crònu" chiui "luggìa". Ma parixi tantu megghiu "crunuluggìa" o, comu lu scrivissi eu "crunulujìa".