Discussioni:Nnustria

Dâ Wikipedia, la nciclupidìa lìbbira.
Jump to navigation Jump to search

Semu propiu sicuri ca nta un sicilianu standard si dici «Gnustrìa» ?!? Ntê me' banni si dici «Nnustria» e «nnustriari». Chiddu chi mi surprenni chiossai è l'accentu supra la i. N'àutra cosa: di l'artìculu parissi ca la palora taliana industria veni di lu nglisi. Industria veni dû latinu industria. Salutamu. --Giusi 11:30, 27 Dicèmmiru 2005 (UTC)

Ora vitti ca usamu sempri «ndustriali» e non «gnustriali». Accussì li me' dubbi aumintaru... --Giusi 11:33, 27 Dicèmmiru 2005 (UTC)

  • Ciau Giusi - stavu pinzannu siddu quarchidunu mi nn'addumannassi mai di sta palora «gnustria»?! Circa un'annu fa Vincinzu mi desi l'idia di usarila. S'attrova nta Piccitto: gnùstria industria, attività, operosità intelligente e sistematica - allura si vidi ca havi nu significatu pricisu. Ma pi l'autra manu sapemu ca Piccitto nn'havi tanti di sti tipi di palori antichi e nun significa ca avemu a usarili sempri. Ma ju nun sapìa ca cc'era st'autra forma, e nfatti Piccitto ammustra tutti quanti: nnùstria (cu l'accentu accussì), nnustriali e nnustriari(si). Ora ca u sacciu, fazzu la canciata. Ma mi fa pinzari ca spissu tanti si cunfùnnanu di siddu unu s'havi a usari -gn- o -ni-, p'asempiu, criscimogna o criscimonia; e Catalugna o Catalunia. Pirsunalmenti prifirisciu usari -ni- mmeci di -gn-. Tu chi nni penzi di sta quistioni? Salutamu. It-sicv2.gif ρ¡ρρµ δ→θ∑ - (waarom? jus'b'coz!) 12:26, 28 Dicèmmiru 2005 (UTC)

Pippu, penzu ca nnustria è la virsioni chiù usata (ndustria cridu ca si usa suprattuttu ntê banni di Missina e Riggiu Calabbria); mi piacissi sapiri in quali zoni dâ Sicilia si usa gnustria (macari c'è quacchidunu chi leggi sti linî e lu sapi). Lu discursu di lu gna e lu nia è diffirenti e nun ti sacciu diri assai a stu prupòsitu. --Giusi 00:28, 29 Dicèmmiru 2005 (UTC)

    • Pi quantu riguarda la pruvinenza di sta palora - certamenti la palora ngrisi veni dû latinu, ma l'artìculu talianu dici ca la palora taliana veni dû ngrisi industries (ca puru a mia mi pari nanticchia stranu - forsi iddi si sbagghianu?)

Pippu, cridu ca la Wikipedia Taliana si sbagghia di grossu. Ntê dizziunarî etimulòggici s'attrova ca la palora taliana industria veni direttamenti dû latinu. Si voi jiri a taliari un asempiu on-line, po' jiri ccà: Vocabolario Etimologgico di Pianiggiani del 1907 Salutamu! --Giusi 00:28, 29 Dicèmmiru 2005 (UTC)