Discussioni:Negrea
Ciau a tutti, grazzi assai a l'utenti anònimu ca scrissi st'artìculu bonu. M'aviti a scusari ma ju vogghiu prupòniri li furmi siciliani siquenti: "addivamentu", "bistiami" e "pilligrini" mmeci di chiddi "allivamentu", "bestiami" e "pelligrini". Chi nni pinzati? Li palori siciliani ca prupognu sunnu cunfirmati di li tèrmini siciliani "addevu", "addivari", "bistiàriu", "bistiùni", "pilligrinàggiu" e "pilligrìna" ca s'attròvanu tutti ntô dizziunariu talianu-sicilianu di Salvatore Camilleri. Salutamu. --Sarvaturi (msg) 15:17, 19 Au 2008 (UTC)
- Mi cumprimentu macari jù cu l'anònimu ca scrivìu l'artìculu.
- Si, pê palori muntati di Sarvaturi, sugnu d'accordu cu iddu (na nica riserva haiu pi "addivamentu" - Non sacciu picchì, ma mi sona strana). Salutamu !--Santu (msg) 19:00, 19 Au 2008 (UTC)
Ciau Santu, grazzi pâ tò arrispunnuta, effittivamenti la furma "addivamentu" la circai n'àutra vota e nun l'attruvai nta siti siciliani, allura criju c'hai raggiuni. Ntô stissu dizziunariu (chiddu ca dissi susu) attrovu:
- allattamento: allatamentu
- allattare: addattari, allattari
- allevamento: allivamentu
- allevare: addivari, allivari
Penzu ca "allivamentu" (comu "allattamentu") è na palora siciliana ricenti, e è prubbabbirmenti pi stu mutivu ca la "-ll-" etimològgica nun si canciau ntâ cacuminali "-dd-".
Grazzi ancora.
Salutamu.
--Sarvaturi (msg) 08:14, 23 Au 2008 (UTC)
Accumenza na discussioni supra Negrea
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Negrea.
