Discussioni:NATO

Contenuti della pagina non supportati in altre lingue.
Dâ Wikipedia, la nciclupidìa lìbbira.

Pruposta ppi canciàri l'acronimu "N.A.T.O." 'nta "U.T.N.A."[cancia la surgenti]

'Nta lu francisi a NATO si ciama OTAN ca fussi l'acrònimu ppi "Organisation du traité de l'Atlantique Nord" ca 'n sicilianu avissi assiri "Urganizzazzioni di lu Trattatu di lu Nord Atlanticu").
E si 'n sicilianu lu ciamassimu UTNA? Fussi l'acronimu di "Urganizzazzioni di lu Trattatu di lu Nord Atlanticu".

Biautri chi ni pinzati?

Maurice Carbonaro (msg) 13:44, 1 Dic 2009 (CET)


La pruposizzioni di Maurice è loggica, e perciò merita na cunsidirazzioni. Si putissi prupòniri puru UTAN pi Urganizzazzioni dû Trattatu di l'Atlanticu dû Nord. Ma la pulitica di wikipedia nun è di sprummintari paroli o sigli novi, ma adiquarisi a testi scritti o all'usanza dâ lingua parrata. Naturalmenti nti stu casu nun ci sunnu funti siciliani scritti, e perciò n'avemu a adiquari a chiddu ca è l'usu dâ lingua parrata. Mi pari ca se unu dicu NATU (chi è puru anagramma di UTAN), tutti capisciunu chi voli diri, ma se unu accuminica a diri UTNA, difficirmenti lu ntirlucuturi capisci. Perciò secunnu mia, (avvisu pirsunali), s'avissi a lassari NATU o NATO, oppuru nu rinnirizzamentu a Urganizzazzioni dû Trattatu di l'Atlanticu dû Nord, ma cu l'acronimu ngrisi NATO e la forma sicilianizzata NATU. Ni n'esempiu simili l' AIDS, n sicilianu si dici AIDS, e nun si dici SIDA. Salutamu. --Peppi 15:02, 1 Dic 2009 (CET)

"NATO" o "NATU"? "AIDS" o "SIDA"? Simu sicùri ca sapièmu di chi stamu parrannu?[cancia la surgenti]

Caru Peppi,

t'arringrazziu assai pi lu to 'ntirventu.
A statu l'unicu. Pirò ti bulissi fari nutari ca ricisti:
"(...) se unu dicu NATU (...)":
appuntu.


Se unu rici "NATU" nun jèni "NATO".


Allura n'avissimu a mintiri d'accordu comu l'amu a ciàmari st'urganizzazzioni.
Forsi ca forsi ca ci su picca gghiènti ca s'antirèssinu di "cosi 'ntirnazziunali" mèntri su assai chiddi ca piènzunu sulu e sclusivamenti a lu sa "urticieddu di casa".
E macari l'acronimu AIDS fussi miegghiu ciàmarilu SIDA a stu puntu.
Chissu puoi è macari prioccupanti: possìri ca "quannu si parra sicilianu" unu nun zapi di chi sta parrannu isattamenti quannu si parra di AIDS?
Nun fussi miegghiu ciàmarilu SIDA a stu puntu? Accussini quannu unu arrispunnu: "Chièèèè?" unu ci rici ca S.I.D.A. fussi l'acrònimu ppi Sindrumi di Immunu Dificènza Acquisita.


Salutamu.

Maurice Carbonaro (msg) 13:48, 10 Dic 2009 (CET)

Ciau. Effittivamenti si putissi diri NATU o NATO. Nun sugnu sicuru chiddu ca è megghiu. E' veru ca ntâ lingua parrata si dici NATU. Ma mi taliai lu cumpenniu stilìsticu, chi nti cinqu'anni di esistenza divintau la nostra rifirenza stilistica, e chi quarchi vota ni scurdamu di taliari, e lu cumpenniu stilisticu dici Sarvu di quarchi eccizzioni (pi asempiu: ô principiu dâ palora e certi palori muderni), la “e” e la “o” s'attròvanu supratuttu accintati, masinnò si usa la "i" e la "u"; pi asempiu: cumpenniu (no compenniu), cumunitati (no comunitati), culligamenti, sustituzzioni, cunziddirari, ecc.. Chistu veni a diri chi s'avissi a diri Organizzazzioni e no Urganizzazzioni, pirchì la O è appuntu ô principiu dâ parola. Perciò iu lassassi NATO, cu lu rinnirizzamentu chi porta NATU versu NATO (cioé status quo). --Peppi 14:13, 10 Dic 2009 (CET)