Discussioni:Mario Amico
Ciau a tutti, ccà sutta putiti lèggiri dui puisìi sò ca attruvai ntô situ di Nino Rosalia:
SURFÀRA
Calatu
di na trìzza d’azzàru,
scinnu nnò scùru
d’un pùzzu funnùtu.
Mèntri l’ùrtimi gocci
di sùli s’appojanu
liggì sùpra mùra vàgnati.
Di ‘ncàntu,
I culùra scumparìnu,
stringiùti d’un màntu scurùsu.
Mi ggìru e rrigiru e m’arritrùvu
mmìzzu a ùmmiri rànni mpiciàti.
Ccàssutta,
u mùnnu pàri scurdàtu.
Na lumèra, tanticchija di lùstru
e mmizzu a piriculi
ggènti silenziùsa,
travàglia s ‘ affànna.
E cùmu sù’ vicìni e luntàni
l’azzurru i muntàgni à vita;
Ccàssutta,
né sùli né stìddi:
quànnu càngianu l’ùri,
ccassutta, ùcchi sbarràti,
ùmmiri rànni di pìci... vistùti.
SURFÀRA ABBANNUNÀTA
Sùla,
cùmu na còsa ca nun cùnta
mi lassàstivu, nni sta cònca sdisulàta
tra stu silènziu ca mi vànnija dintra u pìttu.
All’èbbica, parò tùtti:
carusi, vagunara e picunera;
mi sucàstivu u sàngu
mmizzu a sti vanèddi nzurfaràti.
E ch’era allègra a jurnàta
di la ggiùsta quannu
ch ‘è sacchètti chìn’ i gràna,
si cantàva:” Lu sabbàtu
si chiama allègra còri”.
Ju vànitusa cùmu i sciuri
ntà stasciùni cuntènta mi sintìja,
a dàrivi u manciàri ppa famiglia.
Ora mmèci,
pàssu iurnàti i na manera
e nnà campagna ca sàpi di gramigna,
nun c’è n’àrma ca sùda a la virsùra.
Camina lintu u sùli nnò vaddùni
e quànnu tracodda a la muntàgna
m’arrizzìttu u jazzu ppa nuttàta.
Ppi linzòla, ci mittu l’amàrìzzi
ppi chjumàzza na curùna di pinzera.
E ccu sta lùna, c’acchjana lènta,
zzuccarìna in mènti, carùsi, mi viniti.
Mèntri u lùstru di na citulèna
ca s’adduma,
m’arriporta: sirèna... signurìna.
Auturi: Mario Amico
Salutamu! --Sarvaturi 00:30, 26 Sitt 2007 (UTC)
Accumenza na discussioni supra Mario Amico
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Mario Amico.
