Discussioni:Magnitùdini
Ciau Pippu,
Pi fauri, vogghiu sapiri comu avemu a scrìviri li formi taliani "-udine" 'n sicilianu uichipidianu.
Ti spiu chistu pirchî ntâ riti attruvamu "abbitùTini", "abbitùDini" e abbitùDDini", e lu nostru cumpenniu nun cci dici nenti supra stu tema.
A prestu
- Aspittannu l'opinioni di Pippu, vi dugnu la mia: iu mittissi la forma "ùdini". Però nun haju cunzultatu li nostri autura di rifirimentu. Salutamu! --Giusi 21:17, 15 Frivaru 2006 (UTC)
- Prima di jiri a travagghiari sta matina, truvai cincu minuti pi cuntrullari Piccittu e Camilleri. Piccittu ni duna «abbitùtini» (senza mancu dari autri pussibbilitati, voldiri, pi iddu è l'ùnica forma). Camilleri ni duna «abitùdini» - comu haiu dittu tanti voti - mi piaci stu vucabbulariu tantissimu pâ scelta di palori chi nn'havi, ma lu sò filòsufìa è d'assicutari l'ortugrafìa taliana quannu cci sunnu li dubbi. Purtroppu, nè Camilleri nè Piccittu porta «magnitùdini». Pozzu diri ca puru Bonner ni duna «abbitùtini». Sugnu d'accordu cu Giusi ca «-ùdini» è megghiu di «-ùddini» - ma forsi «ùtini» è veru sicilianu. Certamenti, la «D» si muta spissu ntâ «T», p'asempiu squatra e spata. Ora ju vi fazzu na dumanna: cci sunnu autri palori siciliani chi si finiscinu cu o «ùtini» o «-ùdini»? Salutamu. ρ¡ρρµ δ→θ∑ - (waarom? jus'b'coz!) 23:12, 15 Frivaru 2006 (UTC)
Accumenza na discussioni supra Magnitùdini
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Magnitùdini.
