Discussioni:Lu Patri Nostru
Ciau,
Forsi putemu scrìviri " 'n celu" mmeci di "ncelu" (dui voti ntâ prijera) e macari "sta jurnata" mmeci di "stajurnata".
Salutamu
Turiddu
- Turiddu, sugnu daccordu cu tia! E puru "'n terra" mmeci di "nterra" --Giusi 21:25, 15 Frivaru 2006 (UTC)
- Sì, ju sugnu sbagghiatu - cci fazzu li currizzioni sùbbutu. Pinzai ca sta forma asistìu (nun sacciu picchì) ma nfatti Piccittu nun l'ammustra. Tuttavia iddu ni duna «staiurnata» - forsi è tempu pi discùrriri nautra vota l'usu dâ «J» mmenzu na palora! ρ¡ρρµ δ→θ∑ - (waarom? jus'b'coz!) 23:24, 15 Frivaru 2006 (UTC)
- Sì Pippu, siddu lu voi, putemu accuminzari a parrari di stu tema dâ "j" ca s'attrova ntô menzu dî palori siciliani. Di fattu ju penzu ca la "j" ntirvucàlica s'havi a scrìviri quasi sempri quannu la palora nun è na palora cumposta. Prestu vi vaju a dìciri li mê pinzeri supra st'usu sicilianìssimu di sta littra. Ma mi pari ca 'n quantu lu casu susu ("staiurnata" zoè "sta-iurnata") s'avissi a scrìviri 'n modu siparatu: "sta jurnata" o "sta iurnata", ma nun "staiurnata". A mia, megghiu scrìviri "a st'ura" mmeci di "astura" ("a-st-ura"), e videmma megghiu scrìviri "a dda banna" mmeci di "addabbanna" (a-dda-bbanna), e macari megghiu scrìviri "a latu" mmeci di "allatu" (a-llatu). Ma chistu lu putemu discùrriri ntô cìrculu. Salutamu! Sarvaturi
- Ciau Turiddu - sugnu d'accordu cu st'asempî e vaiu a canciari «stajurnata» a prestu unni cci la scrissi. Ma accura, picchì ogni tantu s'attròvanu li palori chi ovviamenti d'urìggini vennu di du palori ncucchiati. Unu asempiu chi mi veni pi testa è nanticchia, chi forsi na vota era n'anticchia, ma mi pari c'oramai si pò scrìviri comu una palora. Salutamu. ρ¡ρρµ δ→θ∑ - (waarom? jus'b'coz!) 03:14, 21 Frivaru 2006 (UTC)
- Ciau Pippu, sugnu d'accordiu cu tia, e nun vogghiu èssiri sciarratu cu tia, ma mi pari ca "nanticchia" si pò scrìviri videmma "n'anticchia" o "un'anticchia", pirchì l'haju asciati tutti dui a munzidduni nta Google. Ma penzu ca li palori siciliani comu "oramai" (e tanti àutri), nun si ponnu scrìviri 'n modu siparatu pirchì a mia chistu nni pò figghiari dî cunfusioni.
Macari avemu a tèniri cura dî dizziunarî ca ni dùnanu palori scritti 'n modu cumpostu accussì comu "alivoti" ("a-li-voti" ca nuàutri âmu a scrìviri "a li voti") pirchì siddu spissu voli dìciri "talvolta" macari quarchi vota significa "forse" nta quarchi parrata siciliana (quannu si scrivi la palora cumposta). Salutamu. Sarvaturi
Accumenza na discussioni supra Lu Patri Nostru
Le pagine di discussione sono spazi dove le persone si confrontano su come rendere migliori i contenuti di Wikipedia. Puoi usare questa pagina per iniziare una nuova discussione con gli altri utenti su come migliorare Lu Patri Nostru.
