Discussioni:Guerra

Dâ Wikipedia, la nciclupidìa lìbbira.

Fonti:

http://it.wikipedia.org/wiki/Guerra

  • Lu nomu Guerra s'hà canciari nicissariamenti picchì nun currispunni a lu veru e tipicu sicilianu, è sulu nu nomu ca fruttau dâ Talianizzazzioni dâ Lingua Siciliana. Lu giustu nomu è Verra, ca trasìu ntâ Lingua Siciliana all'èbbica dû Regnu di l'Hohenstaufen (Fidiricu II e Manfredi) e ca vèni dû vecchiu girmanicu wer, d'unni pigghia macari l'urìggini la palòra war ntâ lingua nglisi. Salutamu. --Anakletos 15:36, 12 Marzu 2007 (UTC)
  • Ciau. Chiddu chi dicisti è assai ntirissanti. Pippu: Chi dici lu dizziunariu di Piccittu ? Salutamu. Peppi --Gmelfi 17:27, 12 Marzu 2007 (UTC)


  • Ciau a Anakletos e ciau a Peppi. Criju c'Anakletos havi raggiuni ca lu sicilianu "verra" veni di lu tidiscu "wer" (ntô ngrisi "war"), quinni la forma siciliana "verra" è cchiù siciliana (di l'orìggini) di la forma siciliana "guerra". Chistu è veru ntirissanti. Ma la forma siciliana "guerra" è ora la cchiù panziciliana, e mi pari ca già parrammu di stu tema ("v" o "gu") cu Giusi la Palirmitana (la nostra sperta linguìstica ca studiau la dialettoluggìa siciliana a l'Univirsitati di Palermu) e ca avìamu dicidutu di usari sulu li formi câ "gu" pirchì sunnu chiddi cchiù panziciliani (e puru siddu sunnu talianismi ladi). Dunca cuntinuamu a scrìviri "guerra". Ma siddu vuliti, putemu criari n'artìculu supra l'etimoluggia dî palori siciliani ca vèninu dû tidiscu, di l'àrabbu, dû spagnolu, dû grecu, dû catalanu, dû francisi, dû nurmannu, ecc. Salutamu! --Sarvaturi 20:31, 12 Marzu 2007 (UTC)
  • Iu circai ntê mè dizziunari (nichi), ma a diri la viritati nun asciai la forma verra. Peppi --Gmelfi
  • Ju haiu ncuntratu cchiù voti la forma assai siciliana "verra" (o chidda plurali "verri") nta puisìi o testi c'haiu liggiutu nta la Riti. Canusciu puru la forma "uerra" (usata nta l'ìsula bedda di Lìpari). Ma è veru ca nuddu dî mè dizziunari porta sta palora siciliana. Quinni penzu ca nun è na palora panziciliana, ma fazzu li redirect "verra" e "uerra" pirchì è mpurtanti ca ogni sicilianu si senti arriprisintatu di sta wikipedìa siciliana. Salutamu! --Sarvaturi 14:18, 13 Marzu 2007 (UTC)
  • Ju sugnu d'accordu ca facirmenti «guerra» è cchiù pan-sicilianu di «verra» - ma nun m'attrovu d'accordu cu na reula chi dici ca avissi a èsseri sempri d'accussi, zzoè, ca si usa sempri gu- mmeci di v-. P'asempiu, ju avissi pinzatu ca «vardari» è canusciutu quantu è «guardari» (ju canuscìa sempri la prima forma). Àutri asempi: guàddara - vàddara; guadduni - vadduni; guagggiardizza - vagghiardizza; guaìna - vaìna; gualantiri - valantiri; gualìrisi - valìrisi; guarnaccia - varnaccia; guarettu - varettu; guastari - vastari; guastedda - vastedda; guerru - verru; guirrutu - virrutu, ecc. πίππύ δ'Ω∑ - (waarom? jus'b'coz!) 23:09, 13 Marzu 2007 (UTC)
  • Ovviamenti ci sunnu sempri arcuni ccizzioni. Semu d'accordiu. Li littirati siciliani famusi ca liggìi ju usaru, quasi tutti, li formi câ "gu" mmeci di chiddi câ "v". Ma è veru ca ju usu già li formi "vastedda" e "vaina" mmeci di chiddi "guastedda" e "guaina". Salutamu. --Sarvaturi 01:12, 14 Marzu 2007 (UTC)