Discussioni:Fascismu

Dâ Wikipedia, la nciclupidìa lìbbira.
Jump to navigation Jump to search

Ciau Giusi e Turiddu - ju vulìa fari st'artìculu l'artìculu dâ simana - ma prima di fari accussì, mi addunu ca rifiremu â palora «fascisimu». È na cosa ntirissanti ca Camilleri spissu usa stu suffissu «-isimu» mmeci di «-ismu» - ma nun l'usu sempri. Mi parissi na cosa strana siddu si usa quarchi vota, ma no a l'autri voti - è pussibbili ca lu sicilianu giustu è «-isimu»? Certamenti sacciu ca na «i» superchiu si usa ntô sicilianu spissu, p'asempiu, attillèta, ma l'autri voti la «i» si perdi, p'asempiu, allittiratu si pò addivintari «allittratu». Picchì Turiddu accuminzau câ tavuledda dî suffissi, mi pari u tempu giustu pi dicidiri suprô usu di «-isimu» o «-ismu», spiciarmenti pi quantu rigarda n'enciclopedìa! Salutamu. --pippudoz - (waarom? jus'b'coz!) 02:45, 10 Uttùviru 2005 (UTC)

ìsimu/ismu[cancia la surgenti]

La mè opinioni è ca, accussì comu nta lu talianu avemu ismo/esimo (fascismo, comunismo eccètira, ma puru cristianesimo, paganesimo eccètira), nnô sicilianu avemu ismu/èsimu; però ìsimu nun l'haju sintutu diri mai siddu puru è cumprensìbbili ca ismu putissi èssiri nu... talianismu. --Giusi 23:22, 10 Uttùviru 2005 (UTC)

Iu puru pensu ca avìssimu a usari -ismu, casumài cu la dicitura dittu puru -ìsimu. Lu probblema di -ìsimu è ca senza accenti pò essiri di littura difficili (siennucci l'ambiguitati ìsimu o isìmu pi chiddi ca nun parrunu lu sicilianu). Perciò quannu si usa -ìsimu, nun s'avi a scurdari l'accentu ntâ prima i. Salutamu. Peppi.

Cu ci misi ca a "fonti di st'articulu eni it.wikipedia.org/Fascismo"?[cancia la surgenti]

Vasamu i manu a vossia,
Stapìa circannu cu ci misi ca "a fonti di l'articulu fascismu eni http://it.wikipedia.org/wiki/Fascismo".
Nta virsioni di l'11:41 di lu 21 nuvemmiri 2008 ci misi ca a mo mudifica era:

(→Liami esterni: iuncii "(lingua taliana)" a li 2 culligamenta).

Pirò risultanu macari na puoca d'autri canciamenti ca nun ci fici...
Chi quarcunu mi po' aiutari a fari chiarizza?
In particulari cu eni ca ci misi ca n'articulu da wikipedia taliana si po cunzidirari comu "fonti"?
Alli voti l'articuli nta wikipedia siciliana venunu canciati o criati e a stissa cosa nun succeri nta lingua taliana... picciò ppi mia s'avissi a cancillari.
Chi ni pinzati?
Maurice Carbonaro (msg) 10:55, 22 nuv 2008 (CET)

  • L'artìculu fu criatu di Sarvaturi e fu iddu ca ci misi la fonti. Pirò, secunn'a mia si poti livari la "fonti" picchini comu dici tu, di tannu nzinu a oggi, pò èssiri ca l'artìculu 'n talianu s'hà canciatu e la stissa cosa la virsioni siciliana. 'N ogni casu, cci livassi la funti. Salutamu.--Santu (msg) 13:54, 22 nuv 2008 (CET)