Discussioni:Canguru
Ciau. Sugnu perplessu supra l'usu di l'accentu supra la u. In italianu si dici canguro e 'n sicilianu li picciriddi mi pari chi dìcunu cancùru. Salutamu. --Peppi 09:37, 25 Friv 2008 (UTC)
- Ciau Peppi - forsi hai raggiuni - ccà 'n Australia, a mia famigghia usa «cangurù», ma facirmenti si tratta di n'asempiu di Siculish! (nfatti usamu macari «cangaruni») È veru ca «cancuru» havi lu sò senzu, picchì ora ca cci penzu, m'addugnu ca «-ng-» nun porta lu sonu giustu (armenu comu u sacciu). Pozzu diri ca Camilleri porta «canguru» (nuddu accentu, dunca casca ntâ pusizzioni nurmali). «Càncaru» e «càncuru» rapprisèntanu àutri formi di «cànchiru» (= cancro). Pi fauri, si criditi ca sapiti la forma giusta, faciti la currizzioni. Salutamu! πιππίνυ δ - (zoccu stai dicennu?!) 12:01, 25 Friv 2008 (UTC)
- Ciau, effittivamenti pi lu tìtulu principali di sta vuci mi pari ca fussi cchiù pansicilianu l'usu dâ furma "canguru" ma penzu ca putemu fari li rinnirizzamenti siquenti: cangurù, cangùru, cancuru, cancùru. Criju macari ca avemu a mèttiri la furma bedda "cangurù" ntâ pàggina Siculish (dicennu ch'è na furma siciliana dirivata dû ngrisi kangaroo), e putemu mèttiri nta l'artìculu canguru na parti ca dici: Ntê cumunitati siciliani d'Australia ca pàrranu lu sicilianu, lu siculish, e lu ngrisi, s'usa spissu la furma "cangurù". Mi pari ca Pippu dissi na cosa mpurtanti: li sìculi australiani ùsanu "cangarùni" (mmeci di "cangùru") e dunca "cangarù" nni putissi èssiri dirivata. N Sicilia, s'usa ginirarmenti "latrùni" (mmeci di "latru") e dunca nun mi parissi strammatu siddu a quarchi banna arcuni sicilianeddi usàssiru "latrù" pi "latruni". Vi salutu! --Sarvaturi 12:17, 25 Friv 2008 (UTC)
- ok - va beni - pi quantu riguardu u Siculish - ju nun vogghiu diri ca è usata di tanti Siculu-australiani - chissu ju nun u sacciu - ju sulu diceva ca era la forma c'a mia famigghia usava, e ju cridìi pi veru ca era la forma giusta - ma ovviamenti era sbagghiatu! --πιππίνυ δ - (zoccu stai dicennu?!) 12:27, 25 Friv 2008 (UTC)