Discussioni:Caduta

Dâ Wikipedia, la nciclupidìa lìbbira.
Jump to navigation Jump to search

Vulìa fari na nchiesta: aviti ntisu vuatri lu termini tummata, o lu verbu tummari ? Ntê mè banni tummari significa cadiri, e la cosa ntirissanti è chi tummari avi n'origgini chiaramenti francisi (dû verbu tomber). Fussi curiusu di sapiri si stu verbu esisti a autri banni dâ Sicilia, e si Piccittu lu porta. Salutamu. Peppi --Gmelfi 13:15, 19 Uttùviru 2006 (UTC)

Ciau Peppi, grazzi pi stu Talk ntirissanti. Difattu ju penzu ca lu tèrmini sicilianu "tummàri" putissi vèniri dirittamenti dû latinu "tumbàre" (e sta stissa palora latina avissi datu la palora francisa "tomber", chidda spagnola "tumbar", chidda purtuchisa "tombar", e chidda taliana "tombolare"). Diciu chistu pirchì sacciu ca lu sardu, lu sicilianu, e lu talianu sunnu li lingui ca sarvaru lu nùmmaru maiuri di palori latini quasi ntatti (voli dìciri senza fàciri nummarusi canciamenti funètichi/ortugràfichi, 'n parauni a la lingua francisa ca canciau assai a pàrtiri dâ parrata gaddu-latina antica). Ma nun sugnu linguista. Salutamu! Turiddu