Culonia (nziggiamentu)

Dâ Wikipedia, la nciclupidìa lìbbira.

Lu nomu culonia veni dô latinu colonia, zoè funnazzioni. Li Rumani la usavanu comu nominazzioni dê sò citati, tanti voti accumpagnatu di lu nomu di cui l'avìa funnati o n'avìa prumuvutu la custruzzioni. Pi asempiu Colonia Augusta Nemausus (Nîmes), Culonia Julia Paterna Narbo Martius (Narbonne), Colonia Augusta Agrippinensis (Culonia).

Oi di culonia si parra comu di nu nzemi di cristiani ca partunu, spuntanî o pi vuluntati dâ matripatria, pi jiri nti n'autru locu unni arrestanu junciuti nti na cumunitati, ca havi na identitati curturali propria.

Lu nomu culonia veni usatu macari pì parrari di na cumunitati armali cù cullabburazzioni stritta, comu pê furmiculi.