Cui pùnciri si senti nesci fora

Dâ Wikipedia, la nciclupidìa lìbbira.
Jump to navigation Jump to search

Cui pùnciri si senti nesci fora è nu pruverbiu di la tradizzioni linguìstica siciliana. Lu significatu di la sintenzia è: nti li cosi cui soffri o veni struppiatu hà lassari stari, mentri cui fa sòffriri o struppìa pigghia putiri, oppuru si vidi sùbbitu cui senti affinnutu.


Citazzioni[cancia | cancia la surgenti]

Lu pruverbiu è citatu e spigatu la Raccolta di proverbj siciliani ridutti in canzuni di l'abbati Santu Rapisarda.

«  Iu sugnu scialaturi pri natura,
e fa mali di mia cui si n'accora,
è lu miu geniu di scialati ogn'ura,
e lu scialu m'ingrassa, e mi ristora.
S'ancora in tia lu prigiudiziu dura,
e si t'offenni d'ogni mia palora,
tu ti poi dari la testa a li mura,
cui pùngiri si senti, nesci fora.  »
( Raccolta di proverbj siciliani ridutti in canzuni )


Lu pruverbiu è citatu macari nti li Fàvuli Murali di lu pueta Giuvanni Meli, nti la fàvula Lu Surci e lu Rizzu:

«  Facìa friddu ed un Surci 'ngriddutizzu
mentri sta 'ntra la tana 'ncrafucchiatu,
senti a la porta lamintari un Rizzu,
chi ci dumanna alloggiu, umiliatu!

Jeu, dici, 'un vogghiu lettu, né capizzu,
mi cuntentu di un angulu o di un latu,
o mi mettu a li pedi 'mpizzu 'mpizzu,
basta chi sia da l'aria riparatu.

Lu Surci era bon cori e spissu tocca
a li bon cori agghiùttiri cutugna,
su' assai l'ingrati chi scuva la ciocca.

Trasi lu Rizzu e tantu si cc'incugna
chi pri li spini lu Surci tarocca,
e dispiratu da la tana scugna:

E dicchiù lu rampugna l'usurpaturi,
e jìa gridannu ancora:
cui pùnciri si senti nescia fora.  »
( Fàvuli Murali)


Vuci cunzigghiati[cancia | cancia la surgenti]