Crucidda

La crucidda è na sorta di cruci di ferru battutu murata ntî na basi quatrata di petri ntagghiati. Ntî sta crucidda si cci putiva truvari na nnicchia scavata unna ci mintìvanu na santuzza ccu nu luminu addumatu. A ogni paisi cattòlicu c'èranu li cruciddi, a la ntrata e pi signali di cunfini. A Barrafranca cci nni sù ancora tri boni, pirchì l'àutri li sdirruparu.