Crapa Girgintana
La Crapa Girgintana pigghia lu nomu dâ cità di Girgenti unni, ntô passatu, si nni cuntàvanu chiossai di 30.000, mentri ca oggi lu pirìculu è ca ssa razza di crapa putissi macari scumpariri.
Si penza ca l'antichi urìggini di sta crapa s'hann'a circari ntî l’Àsia uccidintali, ammeri lu Kashmir, ntî l’Afghanistan sittintriunali e ntô Balochistan.
La carattirìstica dâ Capra Girgintana sù li corna, àuti e nturciuniati a virrina; havi la varva longa assai e pi tutta la gula, lu culoru dû pilu è griggiu-brunu. Havi n'àuta pruduzzioni di latti di granni qualitati.