Cornelis George Boeree
Cornelis George Boeree (Badhoevedorp, 15 di jinnaru 1952 - Shippensburg, 5 di jinnaru 2021) fu nu psicòlugu miricanu, prufissuri a l'Università di Shippensburg, spicializzatu 'n tiurìa dâ pirsunalità e storia dâ psicoluggìa.
Biografìa
[cancia | cancia la surgenti]Nascìu a Badhoevedorp, vicinu a Amsterdam, ntê Paisi Vasci. Si trasfirìu cchî sò ginituri e frati ntê Stati Uniti ntô 1956 e criscìu a Long Island ntô statu di New York. Si maritàu cu Judy Kovarik ntô 1972 cu cui appi tri fìgghi. Ricivìu lu dutturatu ntô 1980 di l'Università Statali di l'Oklahoma.[1]
Fu l'auturi dî primi testi di pissicologgìa online,[2] ca misi a disposizzioni gratuitamenti ê studenti e a autri genti ntirissati, a cuminciari dû 1997. Li testi foru tradutti 'n tidiscu,[3] spagnolu[4] e bulgaru[5]. Furu pubbricati dui dî sò libbra di testu, unu supra li tiurìi dâ pirsunalità[6] e unu supra la storia dâ pissicologgìa.[7]
Boeree fu puru l'invinturi dâ lingua franca nova, ca cumparìu pâ prima vota ntô 1998 nna Internet e fu co-edituri dû dizziunariu di chista lingua artificiali.[8]
Muriu ntô jinnaru 2021 di tumori ô pancreas.
Noti
[cancia | cancia la surgenti]- ↑ C. George Boeree, su boeree.socialpsychology.org. URL consultato il 7 maggio 2022.
- ↑ webspace.ship.edu, http://webspace.ship.edu/cgboer/onlinetexts.html. URL consultato il 7 maggio 2022.
- ↑ (DE) Blog, su social-psychology.de. URL consultato il 7 maggio 2022.
- ↑ Boeree, C. G. and Gautier Roques, R. E. (translator) (2005). Teorías de la Personalidad. Santo Domingo, Dominican Republic: Universidad Iberoamericana.
- ↑ Теории за личността, su moradabg.com. URL consultato il 7 maggio 2022.
- ↑ Boeree, C. G. (2017). Personality Theories: From Freud to Frankl. Open Knowledge Books.
- ↑ Boeree, C. G. (2018). History of Psychology. Open Knowledge Books.
- ↑ Davies, Simon and Boeree, C. G. (2018). Disionario de Lingua Franca Nova. Dundee, Scotland: Evertype.