Comps (Gard)

Dâ Wikipedia, la nciclupidìa lìbbira.
Jump to navigation Jump to search

Comps è un cumuni francisi ntô dipartimentu dû Gard e ntâ riggiuni Linguadoca-Russigghiuni di 1.483 abbitanti (ntô 1999).


Giografìa[cancia | cancia la surgenti]

Lu villaggiu di Comps s'attrova ô puntu di ncuntru ntra li ciùmira Ròdanu e Gardon a circa 6 chm dâ citati di Beaucaire.


Stùria[cancia | cancia la surgenti]

Comps fu un un cumuni assai riccu ntê sèculi passati grazzî, p'asempiu, ô sô portu supra lu Gardon custruiutu ô principiu dû sèculu XVII e ô cummirciu ca si fici cû ciumi. Oggi nun arrista cchiù nenti di chista èbbica. Dû sèculu XIV, lu paisi addiventa nnuminatu â corti dî Papi di Avignuni picchì nni furnìu lu vinu. Ntô 1794, duranti la Rivuluzzioni francisi, Comps canciàu nomu pi picca tempu n "Port du Gard" (Portu dû Gard). Ntô 1838, rapìu di novu la crèsia dû villaggiu. Spissu sacchiatu dî ciumari dû Gardon o dû Ròdanu, comu p'asempiu lu 26 di dicèmmiru 1790, li 8 e 9 di sittèmmiru 2002 e lu 4 di dicèmmiru 2003, lu villaggiu fu nvasu dui voti di na ciumara causata dî sô ciùmira. Sutta metri di acqua, lu paisi subbìu gravìssimi dammaggi.


Dimugrafìa[cancia | cancia la surgenti]

Evuluzzioni dimugràfica
1962 1968 1975 1982 1990 1999
572 772 813 1239 1435 1483
Abbitanti dû 1962: Pupulazzioni assinza doppiu contu.


Munumenti[cancia | cancia la surgenti]

Comps è un paisuzzu ma è macari tìpicu dî villaggi pruvenzali chî sô paisaggi e li sô modi di campari.

  • La Crèsia Nôtre Dame de la Consolation dû 1838. E' una dî rarìssimi crèsi francisi a aviri la scritta "Liberté, Egalité, Fraternité" supra la sô trasuta.
  • Nfunnu â via Saint Nicolas, suprâ facciata di na casa (un vècchiu cunventu) si pò vìdiri la stàtua dû Santu.
  • Assai vicinu dû villaggiu, supra na cuddina, s'attrova la batìa di Saint Roman unni si nstallaru ô sèculu V li primi erimiti. Di chistu munumentu si ponnu vìdiri citati comu Beaucaire, Tarascuni (Tarascon) e Avignuni (Avignon), li dui ciùmira Gardon e Ròdanu o macari lu munti cchiù famusu dâ riggiuni, lu Mont Ventoux.


Rifirimenti: Comps en français