Cinsimentu

Stu quatru di Francis William Edmonds rapprisenta n'opirazzioni di cinsimentu â mitati dû XIX sèculu.

Nu cinsimentu è na cugghiuta sistimàtica e dittagghiata di dati supra na pupulazzioni, chi giniralmenti veni svurgiuta di n'autoritati cuvirnativa o di n'enti ufficiali. Duranti nu cinsimentu, sunnu arrigistrati ‘nfurmazzioni supra vari aspetti dâ vita dî pirsuni, comu l’età, lu gèniri, lu statu coniugali, la prufissiuni, lu locu di risidenza, l’istruzzioni e autri carattarìstichi sociu-ecunòmichi.

Lu cinsimentu è utilizzatu pi arricogghiri nfurmazzioni funnamintali pâ chianificazzioni e la gistioni dê risorsi pùbbrichi, la distribbuzzioni dê sirvizza e lu sviluppu dê pulìtichi suciali e ecunòmichi. Unu di l'esempi cchiù canusciuti è lu cinsimentu dâ pupulazzioni, chi di sòlitu si svorgi ogni 10 anni nta tanti paisi.

Oltri a chiddu dâ pupulazzioni, cci sunnu macari cinsimenti ecunòmici, agrìculi, nnustriali, e di varia natura, ca si concentranu supra spicìfici sitturi o àrî di ntiressi.