Charamira

Dâ Wikipedia, la nciclupidìa lìbbira.
Jump to navigation Jump to search

I Charamira sunnu na band siciliana ca nascìu ntô 2001 a Tràpani (città “a Sud e assurda”, comu li Charamira stissi àminu difinìrila).

Biografìa[cancia | cancia la surgenti]

Lu gruppu Charamira nasci dû ncontru tra tri picciotti trapanisi Chicco Allotta, Vito Morello e Guido Cipolla, li quali puru pruvinennu d'itinerari artìstici e umani diversi, àccianu nzèmmula mmidiatamenti n’amargama nun dissulùbbili.

Lu nomu "Charamira"[cancia | cancia la surgenti]

Lu nomu dû gruppu "Charamira" pi daveru singulari, 'n sicilianu "charamira" (nurmarmenti scrittu "ciaramira") voli diri "tegole". Na vota avìanu a sunari ntôn lucali, ntâ Sicilia, e lu gisturi, un veru rumpicugghiuna, nun la finìa cchiù di ridarguìrili supra chistu e supra chiddu; na robba tipu: nun diri parulazzi, nun ausari troppu lu vulumi, nun fari li maladucati, chistu è un postu chic... Nzumma, li avìa pigghiatu pi dî veri e propi bàrbari! Appoi, â ntrasatta, s'arricorda ca sunnu macari di li musicisti e ci fà a iddi: "Ah, proposito, come si chiama il vostro gruppo?" E unu dî picciotti dû gruppu arrispunni "Charamira" pirchì è difatti propiu a dî ciaramiri ca stava pinzannu (a tiràricci supra la testa).

Mùsica[cancia | cancia la surgenti]

Musicarmenti, attraversu li sò spirienzi e li sò rifirimenti, ca spàzzianu dâ mùsica culta a chidda ètnica, ô pop alittrònicu, dèttiru vita a nu stili particulari, ca talìa la tradizzioni miditirrània di na banna e li tinnenzi cchiù nnuvativi nternazziunali di l’àutra. Li sò canzuni cùntanu scinari suggistivi, sapuri, aduri di viaggi luntani, umanitati, suffirenza, amuri, ecc.

Ntô 2003, c'è lu ncontru cu Beppe Fiorello, lu quali, cuimmurgennu lu frati Rosario, li fà esurdiri radiufonicamenti a Viva Radio 2. Dû stissu annu è macari la sò performance ô cuncertu dû 1 di maiu e la finalìssima dû Tim Tour 2003.

Nta l’ottùviru di 2003 i Charamira ncòntranu lu prudutturi Antonio Rospini, e nzèmmula dùnanu vita ô pruggettu discugràficu rializzatu cu Edel Italia, un travagghiu straurdinariu pi sunurità, idìi e ricchizza di cuntinuti.

Dialettu trapanisi[cancia | cancia la surgenti]

Siciliani di Tràpani, ùsanu ntâ sò mùsica lu propiu dialettu pirchì crìdinu fermamenti ntâ sò sicilianitati, e sunnu cumminti ca la sunurità di sta lingua poti aviri rispiru nternazziunali.

Discugrafìa[cancia | cancia la surgenti]

  • "Vieni in Sicily" (E' un branu dû gustu ètnicu e miditirràniu. Lu sìngulu è assai diffusu 'n radiu)
  • Uttùviru di 2004 - "Adrenalina" (primu album). Li canzuni 'n sicilianu: Mezzu tempu (o Mezzu Tempo), Ciauru D'africa (o Ciauro r'Africa), e Duluri Novu E Antico.

Cumpunenti dû gruppu[cancia | cancia la surgenti]

Liami nterni[cancia | cancia la surgenti]

Liami sterni[cancia | cancia la surgenti]