Chìmica urgànica
La chìmica urgànica è na banna dâ chìmica, chi havi comu elementu principali lu carboniu. Lu nùmmaru di prudutti urgànici è granni assai picchì lu carboniu è n'elementu ca é distribbuitu supra tutta la terra e chi havi la pussibbilitati di fari 4 lijami (sìnguli, doppî o tripli) cu casi tutti l'àutri elementi (e suprattuttu cu iddi stissi, l'azzotu e l'ussiggenu). Stranamenti nun tutti li prudutti dû carboniu fannu parti dâ chìmica urgànica e chiddi cchiù sìmprici [tipu CO (gassi piriculusu e sinza ciàuru), CO2 (anidridi carbònica), CS2, C (carboniu elemintari polimèricu ca pò èsseri prisenti comu graffiti o diamanti)] nun sunnu cumposti urgànici. La chìmica urgànica havi na mpurtanza enurmi nun sulu pû chìmicu dû labburatoriu sìntisi ma videmma picchì è la basi dâ vita supra la terra Chìmica biorgànica.