Carlu Vizzini
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Carlu Vizzini (Palermu, 28 di aprili 1947) è n'omu pulìticu sicilianu, già espunenti dû Partitu Sucialista Dimucraticu Talianu e 'n sècutu di Forza Italia.
S'hà lauriatu 'n Jurisprudenza cu la tesi Urganizzazzioni e funzioni dê partiti pulìtici.
Dû 1971 addivinìu Assistenti urdinariu di Scienza dê Finanzi e Drittu Finanziariu ntî l'Universitati di Palermu e succissivamenti ducenti di Storia dê duttrini ecunòmichi.
Eliggiutu â Càmmira dê Diputati ntô 1976, hà statu suttasiggritariu ê Participazzioni Statali ntô curtu quintu cuvernu di Giuliu Antreotti e ntô primu cuvernu di Franciscu Cussiga nzinu ô 1980, Ministru di l'Affari Riggiunali ntô primu cuvernu di Bittinu Craxi (dû 1984 e ntô secunnu cuvernu dû stissu, Ministru dê Beni Culturali ntô cuvernu di Giovanni Goria (1987-1988), Ministru dâ Marina Mircantili ntô sestu cuvernu di Antreotti (1989-1991), Ministru dê Posti e dê Telecumunicazzioni ntô sèttimu cuvernu sempri dû stissu (1991-1992).
Diriggenti dû Partitu Sucialista Dimucràticu Talianu, nni addivinìu siggritariu nazziunali dû maiu 1992 nzinu ô aprili 1993, quannu lassau la siggritirìa picchì era cuinvurgiutu ntô scànnalu di Tangintopuli e quinni ntî la nchiesta Mani Pulite.
Ntô 1998 trasi ntî Forza Italia, unni vinni eliggiutu sinaturi ntô 2001 e ntô 2006.