Camiddu

Artìculu n vitrina
Dâ Wikipedia, la nciclupidìa lìbbira.
Camiddu
Camiddu (Camelus bactrianus
Camiddu (Camelus bactrianus
Classificazzioni scintìfica
Regnu:Animalia
Filu:Chordata
Classi:Mammalia
Òrdini:Artiodactyla
Famigghia:Camelidae
Gèniri:Camelus
Speci:C. bactrianus
Nomenclatura Binomiàli
Camelus bactrianus
Linnaeus, 1758
Zoni dû camiddu dumisticatu
Zoni dû camiddu dumisticatu

Lu camiddu (Camelus bactrianus) è nu quatrùpidi ruminanti dû gèniri Camelus e dâ famigghia Camelidae origginariu dî zoni disèrtichi o stippusi di l’Asia cintrali. Lu termini camiddu è usatu puru pi innicari n'àutru armali assai simili, e chi havi na parintela stritta cû camiddu, lu drumidariu chi vivi ntô Mediu Orienti, e nta l' Africa dû nord. Cu pilu brunu, li sò diminsioni pònnu arrivari a dui o tri metri di autizza. La sò particularitati è la prisenza di dui imma (n'immu sulu pi lu drumidariu). Carattirizzatu di na risistenza granni a cunnizzioni climatichi avversi, lu camiddu è puru n'armalu di soma affiddabbili e rilativamenti còmutu pi travirsari strati tracciati ntâ rina di nu desertu o trazzeri di muntagna unni puru li màchini s'attròvanu n difficurtati.

La prisenza 'n Sicilia e ntô sud di l'Italia[cancia | cancia la surgenti]

N Sicilia 'n èbbica àrabba li camidda foru ntruduciuti di l'àrabbi e usati comu menzu di trasportu urdinariu comu li cavadda. Na tistimunianza storica a stu prupòsitu cuncerni lu cunti Ruggeru chi doppu aviri vinciutu lu cummattimentu di Cirami ntô 1063, mannau comu rialu ô papa quattru camidda chi agghicaru a Roma tra la maravigghia dâ pupulazzioni.


Cu la cunquista nurmanna e l'abbannunu sempri criscenti di usi e custumi àrabbi lu camiddu, comu menzu di trasportu, scumparìu 'n Sicilia a picca a picca. Ancora â fini dû XVIII sèculu l'abbati di Saint-Non, nu cèlibbri viaggiaturi di l'ébbica, potti vìdiri quarchi camiddu: lassau nu disignu unni è rapprisintatu nu camiddu nsemi cu cavadda e vòi nti n'abbiviratura ntê campagni dâ Basilicata.

Lu camiddu ntâ curtura[cancia | cancia la surgenti]

A Missina, pî cilebbrazzioni di Menzaustu, si fa passari pû centru da citati nu camiddu fintu chinu di oru ca arricorda quannu Ruggeru D'Altavilla cacciau l'arabbi e trasìu a Missina chî camidda chini dû trisoru ca cci avìa pigghiatu. Àutri festi cci su' ntê Calabbrî unni si fa lu "Baddu dû Camiddu".

Lijami di fora[cancia | cancia la surgenti]


Wikimedaglia
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 8 di austu 2008

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina