Callippu

Callippu (o Calippu, n grecu anticu Kάλλιππος; Ateni, ... – IV sèculu a.C.) fu nu ginirali dâ Grecia antica, addivintatu tirannu di Sarausa e Gela dû 354 ô 353 a.C..

Nasciu a Ateni e fu nu discepulu di Platoni. Quannu Dioni, filòsufu e cunsiggheri dû tirannu di Sarausa Diunisiu II, fu esiliatu, Callippu lu uspitau â sò casa e lu aiutau a urganizzari na spidizzioni militari pi arricunquistari lu putiri e lu accumpagnau nzinu â cunquista di Sarausa.

Dioni addivintau accus``i tirannu di Sarausa, ma Callippu quarchi tempu addoppu, nun cuntentu di l'opira di Dioni, urganizzau na cunciura contra lu tirannu ca appi successu, e ntô 354 pigghiau lu putiri, addivintannu tirannu di Sarausa e Gela. L'annu doppu, Ipparinu, figghiu di Dionisiu I ruvisciau lu cuvernu di Callippu e arripurtau lu putiri ntâ sò famigghia.