Brannon Braga

Dâ Wikipedia, la nciclupidìa lìbbira.
Jump to navigation Jump to search
Brannon Braga by Gage Skidmore.jpg

Brannon Braga (Bozeman, 14 d'austu1965) è nu sciniggiaturi e prudutturi tilivisivu statunitenzi.

Biografìa[cancia | cancia la surgenti]

Nativu dô Montana, studìa â Kent State University e appoi â University of California, nta Santa Cruz, unni si studìa cinematografìa e arti tiatrali. Accuminza la propia carrera ntô 1990, trasennu ntô team di sciniggiatura dâ serii tilivisiva Star Trek: The Next Generation. Prima avìa travagghiatu comu prudutturi ntô campu dê videoclip musicali. Lu sò primu travagghiu fu scrìviri la storia pi l'episodiu Succissioni, scritta a quattru manu cu Ronald D. Moore. Dô 1993 addiventa coprudutturi dâ serii e arresta ntô team di sciniggiatura sinu â fini dâ serii, avvinuta ntô 1994, curannu pirsunarmenti l'ùrtimu episodiu ntitulatu Aieri, oi, dumani.

Ntô 1994 cura lu suggettu e la sciniggiatura dô sèttimu film di Star Trek, Ginirazzioni; dui anni chiù tardu travagghia a l'ottavu film dâ saga, Primu cuntattu. Dô 1995 trasi a fari parti di lu staff criativu di Star Trek: Voyager, n vesti di sciniggiaturi e prudutturi. Ntô 2000 cuntìnua lu sudalizziu artìsticu ntra Braga e Donald D. Moore comu autura dô suggettu di Mission: Impossible II di John Woo, appoi si jùncinu a lu staff criativu di Star Trek: Voyager.

Ntô 2001, quannu Star Trek: Voyager si cunchiudìu, Braga sviluppau la serii tilivisiva Star Trek: Enterprise. La serii dibbuttau ntô sittèmmiru dô 2001, traènnusi pi quattru staciuni sinu â sò cunchiusioni a càusa di l’ìnnici d’audenza vasci. Doppu la cancillazzioni di Enterprise accuminzau a sviluppari na serii fantascientìfica nova pâ CBS chiamata Threshold, ca ncignau ntô sittèmmiru dô 2005. Braga fu prudutturi esicutivu di tutta la serii, funnannu pi l'accasioni na sucitati di pruduzzioni sò chiamata Braga Productions. La serii nun ci havi lu successu spiratu e la CBS la cancella ntô misi di nuvèmmiru.

Ntô 2009 è mpignatu câ serii tilivisiva 24, scrivennu e pruducennu granni parti di l’episodi dâ sèttima staciuni. Sempri ntô 2009, nzèmmula cu David S. Goyer, cô quali avìa già avutu modu di travagghiari nta Threshold, crea la serii tilivisiva FlashForward, ca ncigna nta ABC ntô sittèmmiru dô 2009, p'èssiri cancillata appoi doppu una sula staciuni.

Ntô 2011 travagghia comu sciniggiaturi e prudutturi esicutivu dâ serii tilivisiva Terra Nova.