Miciàciu
(Rinnirizzata di Biciaciu)
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Miciàciu e' nu sustantivu chi signìfica dijunu o scarsizza, zzoè nun aviri abbastanti di manciari.
Mòriri (o muriri) di miciàciu voli diri mòriri di fami. Si senti macari la furma «miciàcia».
Àutri furmi dâ palora: biciàciu, diciàciu, miciàsi, misciàsciu, muciàciu.[1]
L'aggittivu e' «smiciaciatu» chi voli diri: malupattutu, allaccaratu, musuluccu, allasagnatu, smèusu, sparapàulu, assiringatu.[2]
Modi di diri
[cancia | cancia la surgenti]- «si nni jìu di miciàciu» - vinni cunzumatu cu na macanza di sustanza e alimintazzioni
- «fari 'i cosi a-mmiciàciu» - mpastizzari; far la frascàtula; nfrasciamari; ncudduriari[3]
Nnâ littiratura siciliana
[cancia | cancia la surgenti]Ninu Martogghiu scrissi na cummedia: San Giuvanni Dicullatu ntra cui lu prutagunista si chiama: Mastru Austinu Miciaciu.[4]
Etimoluggìa
[cancia | cancia la surgenti]La palora veni dû francisi: mesaise.[5]
Rifirimenti
[cancia | cancia la surgenti]- ↑ Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo
- ↑ Camilleri, Salvatore (1998) Vocabolario Italiano Siciliano, Edizioni Greco, Catania
- ↑ Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo
- ↑ Camilleri, Salvatore (1998) Vocabolario Italiano Siciliano, Edizioni Greco, Catania
- ↑ Camilleri, Salvatore (1998) Vocabolario Italiano Siciliano, Edizioni Greco, Catania