Benazir Bhutto

Dâ Wikipedia, la nciclupidìa lìbbira.
Jump to navigation Jump to search
Benazir Bhutto

Benazir Bhutto (ینظیر بھٹو; Karachi, 21 di giugnu 1953Rawalpindi, 27 di dicèmmiru 2007) fu na pulìtica pakistana. Ricuprìu pri dui voti la càrica di primu ministru dû Pakistan, dô 1988 ô 1990 e dô 1993 ô 1996.

La vita[cancia | cancia la surgenti]

Capa di l'upposizzioni pachistana, murìu a 54 anni pi manu di nu kamikaze.

Benazir Bhutto, era la granni dê figghi dû dipostu primu ministru dû Pakistan Zulfikar Ali Bhutto, fattu giustizziari dû ginirali Muhammad Zia-ul-Haq ntô 1979. Fici li scoli ntô Pakistan e ntô 1973 si lauriau 'n scienzi pulitichi nta l'universitati miricana di Harvard. Appoi cuntinuau a studiari a Oxford unni pigghiau n'àutra làuria 'n pulìtica, filusufìa e ecunumìa. Dopu l'universitati tornau ntô Pakistan e, mentri ca sò patri vinìa ammazzatu, a idda ci dèttiru l'arresti dumiciliari.
Ntô 1984 si nni turnau ntô Regnu Unitu e di ddocu, di l'asìliu, addivintau la capa dû Partitu dô Pòpulu Pakistanu (PPP), unni prima sò patri era lu prisidenti, ma, nzinu a quannu campau lu ginirali Zia-ul-Haq, nun arrinisciu a aviri ntâ vita pulìtica pakistana tanta nfruenza. Ntô 1988 si fìciru li alizzioni e lu PPP pigghiau lu cchiù granni nùmmiru di seggi pi nu sulu partitu. Idda vinni numinata primu ministru e a 35 anni addivintau la cchiù picciotta e la prima fìmmina capa di cuvernu nta nu Paisi mussurmanu nta l'èbbrica muderna. . Primu ministru pakistano dô 1988 ô 1990 e dô 1993 ô 1996, vinni pi dui voti custretta a dimittìrisi pri scànnali di curruzzioni, di unni idda hà sempri dittu di èssiri nnucenti. Ntô 1999 lassau pri propia vuluntà lu Pakistan, pi n'asìliu ca durau ott'anni.
Ntô giugnettu 2007 avìa fattu na trattativa cô prisidenti pakistanu di ora, lu ginirali Pervez Musharraf, pri na spartuta di li puteri ntô Paisi. Apprufittannu di n’amnistia ca avìa datu Musharraf a scanciu di n'accordu ca ci garantisci a iddu stissu d'addivintari pâ terza vota prisidenti dô Pakistan, Bhutto avìa turnatu ntô sò Paisi pi priparàrisi a li alizzioni nazziunali dô 2008.
Lu 18 di uttùviru 2007, appi fattu n'attintatu unni idda ni niscìu viva, ma ca fici 138 morti e quarchi 600 firiti; ntô secunnu attintatu dû 27 di dicèmmiru 2007, ci lassau la vita.

Ancora non è tantu chiaru comu si svurgìu ss'attintatu e comu mossi Benazir Bhutto: cu dici ca foru corpi d'arma di focu, cui ca ntappau la testa nta nu spìculu sbilanzata di l'asplusioni. Non si sapi mancu cu urdinau e urganizzau l'attintatu: funti dû cuvernu pakistanu dìciunu ca fu al Qaida, ma lu stissu Baitullah Mehsud, capu talibbanu e cunziddiratu locutinenti di "al Qaida" ntô Pakistan, neja ca foru iddi a fari l'attintatu.