Benavert

Dâ Wikipedia, la nciclupidìa lìbbira.
Jump to navigation Jump to search

Ibn Abbad Benavert, numinatu cchiù spissu simpricimenti Benavert (m. Sarausa 1086) fu l'ùrtumu emiru di Sicilia 'n èbbica àrabba. La sò giurisdizzioni cumprinnìa tutta la valli di Notu. Fu ammazzatu duranti l'assediu nurmannu di Sarausa.

Cronichi[cancia | cancia la surgenti]

Ntô 1074 'n sequitu â cunquista nurmanna di Palermu, l'esercitu di Benavert fu auturi di na scurrirìa 'n Calabbria. La cità di Nicotra fu abbruciata e li mònichi dipurtati pi li harem orientali. Doppu chi Ruggeru ntirvinni 'n difisa dâ cità, Benavert riniscìu a bàttiri l'esercitu nurmannu dû ènnuru di Ruggeru, Giordanu.

Ntô 1081 Benavert occupa pi nu certu tempu la cità di Catania, chi fu libbirata quarchi tempu doppu dû figghiu di Ruggeru, Giordanu. Ntô 1082 n'autra 'ncursioni di Benavert 'n Calabbria causau duimila morti tra li nurmanni. Ntô 1085 Benavert attaccau attorna Nicotera e puru Reggiu (certi documenti pòrtunu la data dû 1084 àutri 1086). Ntô 1086 lu 24 di maiu Ruggeru assidiau la cità di Sarausa e cummattìu pirsunalmenti contra Benavert chi avia attaccatu Ruggeru ntâ sò navi. Ruggeru lu biàu 'n mari e Benavert affunnau pi lu pisu di l'armatura ci purtava. Doppu quarchi misi di assediu Sarausa tummava sutta lu duminiu nurmannu.

Liami esterni[cancia | cancia la surgenti]