Bannera dâ Sicilia
La bannera dâ Sicilia (chiamata cumunimenti Trinacria) vinni aduttata ntô 1282 pâ prima vota, sùbbutu doppu li Vespri siciliani. È carattirizzata dâ mmàggini dû trisceli (o trinacria) ntô menzu.
Mmeci li culura, rapprisèntanu nturnu li citati di Palermu e Curliuni, chi era canusciuta a ddu tempu comu na citati d'agricultura. Palermu e Curliuni èranu li primi du' citati a funnari na cunfidirazzioni contra li Angiò. Nfini addivintau la bannera ufficiali dâ Riggiuni Autònuma di Sicilia ntô jinnaru dû 2000. La liggi cunzigghia ca la bannera si havi a mustrari davanti ê palazzi pùbbrici, ê scoli, e àutri lochi chi rapprisèntanu la Sicilia.
Sta bannera s'assummigghia a la bannera di l'Ìsula di Man, spiciarmenti ca tutti dui ùsanu lu trisceli. Oggi, lu trisceli è ricanusciutu largamenti comu lu sìmmulu dâ Sicilia. Stu sìmmulu si canusci puru comu la trinacria, chi è lu nomu anticu dâ Sicilia videmma. Stu nomu vinni usatu puru duranti l'èbbica aragunisi sùbbutu doppu li Vespri siciliani chi accabbau lu regnu d'Angiò.
Origgini di la trisceli
[cancia | cancia lu còdici]La trisceli, chiamata puru trinacria, è simbolu storicu di la Sicilia. Trisceli (pi grecu, τρισκελής), veni a diri "tri 'ammi".
Attruvaru na trisceli nni la zona di Girgenti, a Palma di Montechiaro. Sta Trisceli di terracotta è custodita nni lu Museu Archiologgicu di Girgenti.
Lu gorgoneion
[cancia | cancia lu còdici]Lu gorgoneion è la testa di la Gorgoni (spissu ditta Medusa), na fimmina cu li capiddi di sirpenti.
Li sirpenti ncapu a la testa di Medusa addivintatu spighe di granu, pirchì li pi li Romani la Sicilia fu ditta "granaio di Roma".
.JPG){kind=small}