Austu e riustu e' capu d'imviernu

"Austu e riustu e' capu d'imviernu" eni una frasi ca si usa spissu quandu 'nto misi d'austu, doppu di na pocu di jurnati boni, arriva un timpurali, o na jurnata di malu tiempu, macari puru ca cumincia a fari tanticchia di friddu, ca ti fa capiri ca a stati sta viramienti finennu, e ca ama cuminciari a pinsari ca sta arrivannu 'u mvierni.

Siddu unu ci fa casu, nfatti, propriu viersi u quinnici du misi di austu u tiempu cumincia a canciari, chistu nun ne ca significa ca a stati viramienti finiu tuttu 'nsemmula, piro' divienta chiaru ca nun ne chiu' a stissa cosa di quannu si era a maggiu o giugnetti.