Assèdiu rumanu di Sarausa
L'assèdiu di Sarausa, si rifirisci a l'assèdiu fattu dê truppi rumani di Marcellu a la cità di Sarausa ntô 212 a.C.
Vicenni stòrichi
[cancia | cancia lu còdici]Ntô menti dû regnu di Gerone II, tra Roma e Sarausa vinni firmatu nu trattatu di paci, ca garantìa a la cità siciliana paci e pruspiritati pi longu tempu. Pirò, â morti di Gerone II, pigghiò lu sò postu pi guida dâ cità sò niputi Girònimu. Chistu avìa chìnnici anni e, nun essennu ancora priparatu p'affruntari li scigghiuti pulitichi cchiù giusti, fici lu gravi arrori di strògghiri pi sùbbitu lu trattatu chî rumani e fici l'alliaza chê Cartagginisi. Girònimu, pirò, murìu nta na cuspirazzioni pi manu di Dinòmini. Pigghiau lu puteri accussi Adranodoru ca lu mantenni pi picca tempu, pi appoi lassàrilu facènnusi numinari Ginirali. Â difisa dâ citati traseru accussì li dui frati Ippocrati ed Epicidi . Câ rumputa dô trattatu, lu Sinatu rumanu votau pi fàricci la guerra a Sarausa. Lu cumannu pi cunquistari la citati vinni datu ô cònsuli Marcellu chi cu nu bonu nùmmiru di forzi di terra e mari, assidiau la cità.
Ntô mentri di l'assèdiu, Ippocrati addumannau rinforzi ê cartagginisi e agghiri Eraclea Minoa appi quarchi vittoria contru a li rumani; Epicidi, anveci, si stetti a Sarausa e, nzinu a l'ùrtimu mumentu e l'ùrtima forza c'avìa, addifinnìu la sò cità.
.JPG){kind=small}