Archi dâ Marina

Dâ Wikipedia, la nciclupidìa lìbbira.
Jump to navigation Jump to search

Archi dâ Marina è lu nomu tradizziunàli e populari ca ci vèni datu a lu viadottu di l'ottucentu fattu a muratùra, dâ Ferruvìa Missina-Sarausa, ca jungi la Stazzioni di Catania Cintrali cu la Jallirìa (tùnnilli) di l'Acquicedda.

Lu prugettu nascìu n sèchitu a li prucetti di custruzzioni ferruviarii dâ Sucità Vittoriu Emanueli. Chista sucità, era ntiramenti a capitali francisi e s'ava pigghiàtu lu postu di la sucità livurnìsi Adami e Lemmi ca c'iaveva la cuncissioni di lu cuvèrnu pruvvisorio di Garibaldi nsinu dô 25 sittèmmiru 1860. Lu 14 maju 1865 niscìu la liggi n.2279 ca ci dava l'autorizzazioni a la Vittoriu Emanueli (ca avìa cangiatu nomu in Sucità pi li Strati Firrati Calabro-Siculi) ppi fabbricari tutti li ferruvìi ca vuleva nta Calabria e nta Sicilia.
Arruvatu lu 1866 sta sucità trasìu in crisi finanziaria e appi a èssiri aiutata direttamente di lu Statu talianu. Nta sti francenti la midesima sucità prisintàu a lu cumùni di Catania lu prucettu di fari la stazzioni Cintrali supra la scugghèra di l'Armisi e na linea, supra vasci ponti, ca rasentu rasentu li Mura di Catania nfinu a porta Uzzèda trasìvunu n'galliria nsinu all'Acquicedda. Lu sìnnicu Alonzu e l'amministrazzioni si priuccuparu troppu, pirchì lu prucettu di lu ngigneri francisi Petit chiudeva la via di lu portu e ci faceva ppi junta nu passaggiu a liveddu nfacci a lu Dòmu. Ci foru prutesti e si ntirissaru ngigneri catanisi e parlamentari ma nun ci fu nenti cchi fari pirchì lu Ministèru di li Pubblichi Travagghi cu n'dicretu lu 6 austu 1864 ci dava l'autorizzazioni di forza a fari comu vuleva la Sucità francu-piemuntisi. Li tintativi e li prutesti si trascinarunu nsinu a lû 1866 ma lu tintativu di fari custruiri la linea a nord di la cità passandu dô Chianu dô Burgu e di Cifuli non arriniscíu:

Lu 3 jinnaru 1867 vinni naucurata la Stazzioni Cintrali supra la scugghèra di l'Armisi, e l'Archi dâ Marina lu 1 luglio 1869.

Ntô '60 lu viadottu vinnu dupplicatu ppi rimodirnari la ferruvìa Catania-Sarausa .

Ntâ l'urtimi anni c'iannu statu pulèmichi pirchì l'amministrazzioni di centru-destra citadina e li Ferruvìi dô Statu vulevunu abbattiri tutti l'archi e suttirrari tutti li cosi cumpresa la stazioni, ma n'sechitu cunsidiratu lu costu iccessìvu si dicisi di lassarlu.