Arìstidi

Arìstidi figghiu di Lisimacu, diciutu "lu Giustu" (n grecu: Ἀριστείδης, Aristèides, n latinu: Aristides; Ateni, 530 a.C. – Ateni, 462 a.C.), fu nu pulìticu e militari atinesi nnimicu di Timìstucli.

Fu arcònti ntô 489 e 488 a.C. ma, ustracizzatu ntô 482 a.C. da Timìstucli pi caggiuni di la cuntraritati sò â "Liggi navali" ca vulìa criari na flotta militari usannu l'aggentu ca vinìa da Làurion, fu cunnannatu a deci anni di disterru. Arìstidi, ca n viritati appujava a custruzzioni di li nava, fu però amnistiatu quannu Sersi I dicidìu di attaccari la Grecia ntô 480 a.C. e participau â battagghia di Salamina, unni li pirsiani foru battuti, e macari â battagghia di Platìa l'annu doppu, ca marcau la fini di lu cunflittu e la vittoria di li greci.

Muriu n puvirtati ntô 462.