Aluminiu

Dâ Wikipedia, la nciclupidìa lìbbira.
Aluminiu

l'Aluminiu havi sìmmulu chìmicu Al, nùmmuru atòmicu 13 e massa atòmica 26.981538(2)

Carattirìstichi e Applicaziuni[cancia | cancia la surgenti]

A 298 K (25 °C) l'aluminiu é nu mitallu sòlidu di culuri argintatu. Lu mitallu havi tanti boni carattirìstichi: è liggeru, nun é vilinusu, nun é magnèticu e nun fa spisiddi. L'aluminiu puru é moddu ma mmiscatu cu na nticchia di: ramu (Cu), magnesiu (Mg), siliciu (Si) e àutri elementi, ammustra propriità ùtili assai. L'alumimiu, in natura, é prisenti unnegghié supra la faccia di la terra comu però bauxiti (minerali chi cunteni Al2O3.H2O ma macari Fe2O3 e SiO2). Pi aviri lu mitallu si usa lu procedimentu Bayer.

Purificaziuni[cancia | cancia la surgenti]

Lu metudu Bayer cunsisti ntâ lu trattamentu di la bauxiti cu na soluziuni di NaOH e furmazzìuni di NaAlO2 (aluminatu di sodiu) e Na4SiO4 (silicatu di sodiu). Lu ferru precipita comu solidu. Si la soluziuni veni trattata cu la CO2, si cria l'idrossidu di aluminiu [Al(OH)3] chi appressu, addiventa Al2O3(alumina). L'ultimu passu é la trasfurmazziuni tramiti elettròlisi di l'alumina pura ntâ lu mitallu veru e propriu.

Talia puru[cancia | cancia la surgenti]

La tàvula piriòdica di l'elimenti