Alphonse Daudet

Artìculu n vitrina
Dâ Wikipedia, la nciclupidìa lìbbira.
Alphonse Daudet

Alphonse Daudet, (Nîmes, 13 di maiu 1840 - Pariggi, 16 di dicèmmiru 1897) fu nu rumanzeri francisi. Lu sô sipolcru s'attrova ntô Cimiteru dû Père Lachaise n Pariggi.

Studia ntâ scola supiriuri a Lioni. Fu sicritariu pressu lu Duca di Morny, pirsunaggiu mpurtanti dû Secunnu Mperu, quannu chiddu murìu prestu ntô 1865: chistu avvinimentu ci canciò la carriera di Alphonse. Doppu di stu pirìudu, Daudet si cunzacrò sulu â scrittura, prima comu jurnalistu a Le Figaro appoi comu rumanzeri. Doppu ca si fici nu viaggiu ntâ Pruvenza, Alphonse accuminzò a scrìviri li primi testi ca fannu parti dâ sô òpira "Li Littri dû mê Mulinu" (ntô francisi "Lettres de mon Moulin"). Appoi arricivìu, dû diritturi dû jurnali l'Événement, l'auturizzazzioni di pubbricàrili comu feuilleton (= a episodi) duranti lu pirìudu stivi dû 1866, sutta lu tìtulu di Crònachi Pruvinciali.

Lu Mulinu di Alphonse Daudet a Fontvieille

Arcuni dî raccunti di chista òpira hannu arristatu ntra li stùrii cchiù populari dâ littiratura francisi, comu "La Capra dû Signur Seguin" (ntô francisi "La Chèvre de Monsieur Seguin"), "Li Tri Messi Vasci" (ntô francisi "Les Trois Messes Basses") o "L'Elisir dû Rivirennu Gaucher" (ntô francisi "L'Élixir du Révérend Père Gaucher"). Lu primu veru rumanzu di Alphonse Daudet fu "Lu Nicu Cosa" (ntô francisi "Le Petit Chose") scrivutu ntô 1868. Fu lu rumanzu autubiugràficu di Alphonse picchì parrò dû sô passatu di prufissuri nta na scola di Alès (ntô Gard, ô nord di Nîmes). Fu ntô 1874 ca Alphonse dicidìu di scrìviri: "Fromont jeune et Risler aîné" e macari "Jack" ntô 1876, "le Nabab" (1877), "les Rois en exil" (1879), "Numa Roumestan" (1881) o "L'Immortel" (1883). Ntô 1872 scrivìu "Tartarin de Tarascon", ca fu lu sô pirsunaggiu mìticu. "Li Raccunti dû Luni" (ntô francisi "Les Contes du Lundi") ntô1873, n'òpira di raccunti suprâ Guerra franco-prussiana, lassa vìdiri lu sô gustu pi chistu gèniri e li raccunti maravigghiusi.


Alphonse Daudet è lu patri di Léon e Lucien Daudet. E' videmma lu frati di Ernest Daudet.


Rifirimenti: Alphonse Daudet en français


Wikimedaglia
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 7 di aprili 2009

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina