Alborosie

Dâ Wikipedia, la nciclupidìa lìbbira.
Alborosie.

Alberto D’Ascola canusciutu comu Alborosie (Marsala 1977) è nu cantanti talianu di reggae, chi si trasfirìu n Giamaica e chi godi ni nu certu successu ntirnazziunali.

Biografìa[cancia | cancia la surgenti]

Nasciutu nti na famigghia di piscatura di Marsala, nti l'anni '90, Alborosie emigra a Milanu prima e a Bergamu unni havi nu certu successu cô sò gruppu di reggae, li Reggae National Tickets, cu cui si esibbisci puru n Giamaica.

Ntô 2000 Alborosie emigra definitivamenti a Kingston n Giamaica, e accuminza a aviri nu certu successu. Alborosie è lu sulu cantanti jancu a nesciri sutta la stissa etichetta di Bob Marley. A picca a picca custruisci la so etichetta discografica, diventa prudutturi. Tra li so successi a liveddu ntirnazziunali lu cchiù canusciutu è forsi Herbalist, chi agghicau ô settimu postu dî classifichi ngrisi.

Alborosie, nstallatu difinitvamenti n Giamaica, è unu di l'artisti di reggae cchiù rispittatu ntâ stissa Giamaica, na cosa chi nun havia rinisciutu a nuddu tra chiddi vinuti di fora. Ntê ntirivisti ca duna parra lu dialettu giamaicanu dû ngrisi.