Agglutinazzioni/Calabbrisi-Rumbiolu

Na lingua agglutinanti è na lingua adduvi i paroli su formati mpingendu morfemi. Sta parola a mbentau Wilhelm von Humboldt ntô 1836 u classifica i lingui morfologicamenti. Stu nomi veni d'u verbu latinu agglutinare, chi significa "ncollari, mpingiri anzemi".

Caratteristichi

Nt'e lingui agglutinanti i paroli primitivi sunnu na diricata, e poi sugnu mpingiùti prefissi o suffissi pemm'u si cangianu caratteristichi grammaticali (comu i generi, numaru, casu o tempu verbali) e i morfemi sunnu espressi pe medianti affissi (e non cangiandu a diricata d'a parola, o u tonu o a forza). Sparti,nta na lingua agglutinanti l'affissi non venninu mai fusi cu l'altri, e non camgianu forma a sacundu si nd'àvi atri vicini.

Sunnu linguaggi agglutinanti: lingui ugru-finnichi, lingui uralichi, lingui altaichi, giapponisi, coreanu, certi lingui africani e centru-americani. Nt'o passatu puru nt'o Mediu Orienti si parravanu lingui agglutinanti, comu u sumeru, l'elamiticu, l'hurricu, l'urartianu, u gutianu, u lullubi e u cassita.

I linguaggi agglutinanti non sunnu tutti raggruppati nta stessa famigghja linguistica.

I linguaggi agglutinanti su' generalmenti regolari assai ed ànnu assai affissi/morfemi pe ogni parola. Pe' esempiu u giapponisi àvi solu tri verbi irregulari (e mancu assai irregulari), u turco sulu unu.