Afèrisi
L'Afèrisi e' nu signu, comu n'apòstrufu, misu àutu ô principiu di na palora pi spicificari la pirduta dâ prima parti di dda palora. Pò èssiri la pirduta di na vucali o di na sìllabba.[1]
P'asempiu: «'nnamuratu», l'afèrisi mustra la pirduta di «i», o «'stu» mustra la pirduta dâ prima sìllabba «chi-».[1]
Pi sèculi si scrivìa la furma «'nnamuratu» e sìmili, ma pû fattu ca nuddu scrivissi «innamuratu», la pirduta di sta «i», veni cunziddirata già difinitiva, annunca l'usu di l'afèrisi, nts sta situazzioni, e' nùtili. Macari pi «stu» (e «ssu» e «ddu)», chi si tratta di n'aggittivu dimustrativu, oramai e' abbastanti distintu di «chistu», chi si tratta di nu prunomu dimustrativu. P'asempiu, si dici e scrivi: «stu libbru», e comu prunomu, si usa «chistu» di sulu.
Àutri asempi unni cunziddiramu la pirduta dâ prima parti di na palora difinitiva: nu, na, mpurtanti, mmàggini, gnuranti.[2]
A li voti, avemu a usari l'afèrisi quannu la pirduta nun veni cunziddiratu difinitiva. P'asempiu: l'artìculu «lu» si scrivi «'u» pâ furma curzata, e si putissi scrìviri la sprissioni: «aiu a accattari» comu «aiu a'ccattari».
Rifirimenti
[cancia | cancia lu còdici]- ↑ 1,0 1,1 Camilleri, Salvatore (1998) Vocabolario Italiano Siciliano, Edizioni Greco, Catania, p. 96
- ↑ Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo